بالله عليكى يا كورونا
عليك باللى بيظلمونا
وعليكى بالاعضاء كلهم
اللى ف مجلس شعبنا
طنشونا
وزهقونا
جرينا عشانهم ولاعبرونا
بالله عليكى بالمفسدين
م المسئولين
وف كل محنه بيسيبونا
بالله عليكى
بأى حد باع ضميره
وخان صحابه
واى حد كان ف يوم
حارق دم أبونا
بالله عليك باللى
باعوا البلد وكمان باعونا
واللى للاسعار سابونا
بالله عليكى بالتُجار
وبكل جزار
غلَّوا ف الاسعار
وخلوها نار
عشان يجوعونا
بالله عليكى
بكل مدرس
باع ضميره
وكل حق غيره
وبيع الناس هدومهم
ولاحس يوم همومهم
وقبض مرتب معملش بيه
والله شفت
الناس بتدعى كل لحظه
يبتليهم بالكورونا
بالله عليكى باللى بيجرحونا
واللى بيحسدونا
واحنا طالبين المعونا
بالله عليكى
باللى قرفونا
ولامره كانوا بيعذرونا
بالله عليكى
باللى عاوزين يخرسونا
واللى بيحاولوا يفضحونا
واللى مش عاوزين يسترونا
بالله عليكى
بكل حد بيخدعونا
وكونى ع الاخيار حنونا
اوعى تطلعى عليهم الجنونا
اصلك ضعيفه
راح تموتى بفص توم
او لمونا
اصحاب الضماير
الطيبين
محروسين من ربهم
مهما تكونى قُريبه
ماشيه او ساحفه
أو نازله حتى م الرزونه
بالله عليكى يا كورونا
=====
مستر/عطيه الخُضرى
قلين-كفر الشيخ
بالله عليكى يا كورونا
2020-03-14, 08:41
