مات النبى
ومات الصَّحابه
والدِّين غريب جوه القلوب
بقه وسط غابه
حتى اللى ماسك بأسم دين
بقه مش أمين
بقه بس تاجر
عاوز يكوِّش ف الملايين
فينها أخلاق الصحابه
فين البراءه والطيَّابه
ياكل تاجر دين غبى
فينها اخلاق النبى
فين الكريم فين الأبى
اللى كانت دعوته
ف كل أزمه تلقى من ربى الأجابه
اللى الناس قالت عليهم
أهل رقص وأهل مغنى
وصدعوا راسنا ودماغنا
اتبرعوا عشان خواتهم الغلابه
ولاحد منكم يافطاحل أهل دين
فكَّر يمد أيد الأستجابه
أوعاك تقولو معندناش
ونسمعوا منكم كلام
وأحلى ألفاظ الخَّطابه
بتجمعوا الدُّنيا لمين
فين طريق الله يا مؤمنين
متروكه والله الحياه
أتركوها مليانين
الدنيا والله العظيم منسابه
ياللى عندك مد أيدك
وخد خواتك
تحت باطك
بتجمع ايه
مال وزايل
الوضع مايل
انته باسم الدين بتعمل
ولو منافق
عشان مصالح
هتشوف هوايل
مد ايدك
وأنسى الخيابه
ايوه جمع المال خيابه
ياكل أخواتنا الأفاضل
العمل هو اللى فاضل
انعش الدين م الرتابه
عشان تزول الغُمه وتعجل الأجابه
مات النبى
ومات الصَّحابه
والدِّين غريب جوه القلوب
بقه وسط غابه
=====
مستر/عطيه الخُضرى
قلين-كفر الشيخ
مات النبى ومات الصَّحابه
2020-04-10, 23:56
