شوف ياعطيه
لازم تخرج من أزماتك
احمد ربك
اوعاك تندم على شىء فاتك
لما البلوى تجيلك أحمد
لما تسوِّد ليلك أحمد
لما تلاقى الدنيا بحالها
بتقصد ويلك أحمد
اوعاك تندم يوم على خير
عملته لغير
خليك زى ما انته عطيه
انسان طيب عنده ضمير
خليك زى عطيه امير
اوعاك تتغير
مهما يصير
مهما تكون العتمه شديده
اكيد الصبح له تباشير
مهما تشد عليك ياعطيه
ابقه اتبسم
ولايوم تحزن ويبان تكشير
انته ُمُربِّى
علمت كل الناس ياعطيه
تبقى سعيده حتى ف ازماتها
والضيق ف حياتها
خليك دايما استاذ تبشير
لما تضيق احمد ربك
وبدون تفكير
اوعاك تطلب يوم تفسير
اوعاك ياعطيه
تبعد عن ربك
ويبان تقصير
طول مانته قريّب من رب الكون
ولاهتهون
ولاهيكون
يظهر تأثير
قوم اتبسم رغم الازمه
خلى الدنيا تحت الجذمه
علشان احزانك ملهاش لازمه
انته كبير
وانته بتقرا ايات الله
قوللُّه انجدى بحق اياتك
راح ياخد بأيدك
ويرجع لك تانى حياتك
شوف ياعطيه
أوعاك تتغير
خليك نفس عطيه الخُضرى
اوعاك تمسح أى صفاتك
لازم تخرج من أزماتك
احمد ربك
اوعاك تندم على شىء فاتك
========
مستر عطيه الخُضرى
قلين -كفر الشيخ
شوف ياعطيه
2018-06-26, 10:28
