(بعتذر للأخوه الأفاضل على الصوره)
طاب
أرقصى
وأترقصى
هات اللى عندك خلَّصى
ومسيره يوم فيه تخلصى
وأتنططى وأتبصصى
أن شالله حتى تبصبصى
بينه وبينه ربنا عنده
أنته حره
محدش عليكى يوم وصى
سيبى دينك للى عالم بيه يقول
لكن جنابك توبى بس
مش تُعُضى وترفصى
وف الذنوب هتقرفصى
مش غلطتك
دى غلطة الدين والمشايخ
اللى سابوكى تلغوصى
برنامج أيه راح تعمليه
بلاش يا ست وتخلصى
لومصره
لازم أقولك ياسما
الدين ماهوش مكلمه
ولاتمثيليه وملحمه
توبتك دى ليكى
لكنما
متكرهيش الناس ف دينهم
جاتك عما
شيخة أيه يا معلمه
متخلهاش تزيد ذنوبك
وتبقى سوده يوم عليكى مغيِّمه
حرام عليكى تهينى دينك
لومُسلمه
راح نرفعوا فيكى القضايا
فى كل حته ومحكمه
روحى وشوفى لك لعبه تانيه
الدِّين بتاعنا خط أحمر
ومنطقه متلغَّمه
=======
مستر/عطيه الخُضرى
قلين -كفر الشيخ
لازم أقولك ياسما
2018-05-09, 08:29
