رحمان يارب ورحيم
خفف الحُزن اللى فيِّه
دعوة المكروب يارب
من عبدك المخلص عطيِّه
الالام والكروب
لو هم واحد مش قضيه
لكن هموم
عدت حدود الأنسانيه
وكل يوم بتزيد يارب
مش منتهيه
كل يوم بتزيد تعب وتزيد أسيه
وأنته عالم باللى بيِّه
اللُّطف يارب البريِّه
مهما أحكى يوم وأقول
مش هتكفى
يوم حروف الأبجديه
الهموم نفس الهموم
فى كل يوم
مش غريبه ولاأجنبيه
كل يوم بتزيد غماقه
ومعدش طاقه
فاقت حدود الأحصائيه
أهم شىء انها هموم حياه
مش همومنا الأخلاقيه
زى ناس كتير يارب
همومها واضحه أزهريه
يمكن أقل من هموم ناس كتير
لكن همومى أُسطوريه
ملهاش شبيه
ولا أطلسيه
كلها نفس الهموم للأغلبيه
أنته المُفرِّج كل كرب
فرّج همومنا الدُّنيويه
كُلنا عبيد ضِعاف
ولا لينا حيله
ولامسئولين فيهم ضمير
وانت الرجا وسط المحن
وسط الكُروب
وسط الهموم
برحمتك ياربنا تكون همومنا منتهيه
ياكريم
يا عظيم
يا مُقيم
انته اللى عالم باللى فيِّه
أرحم دموعى قلبى اللى طالب نجدتك
ورحمتك
عجِّل يارب انته السريع
انته المجيب انته السميع
وانته اللى بأيدك تنفرج
وأنت اللى بأيدك العطيَّه
==============
مستر/عطيه الخُضرى
قلين-كفر الشيخ
انته اللى عالم باللى فيِّه
2018-04-26, 02:14
