يعنى ايه الفيس يا عم؟
شوف ياكل من بالفيس مهتم
يعنى وجه
تشوفه تهرب من كل هم
يعنى خبر
ممكن صحيح وممكن زايف
بس بيه تهتم
يعنى ناس بتصدق
وناس بتكذب
وناس تحافظ
وناس ولا بتتلم
يعنى شىء وممكن يفرحك
أو شىء تشوفك يريحك
وممكن شىء يحول حياتك غم
تلقى فيه اللى ينادى بخير
واللى يوقف مراكب سير
والمحترم اللى عنده ضمير
والبلطجى تلقاه وكمان عديم الدم
ممكن يغير ف المصاير
وكمان وممكن يأذى الحراير
وممكن كمان يفسد ضماير
وممكن من خلاله تلقى البشاير
وتهدى اللى حاير
واللى ناقص عن طريقه
ممكن نقولوا ف مره تم
فيه ناس تقول الشهد
وناس تبخ السم
وفيه تشوف ناس غابو من سنين
وفيه تحس بالحنين
وفيه كمان تلاقى حد يشتمك
ولاتعرفش حتى يبقى مين؟
وينقلب مدحك لذم
وممكن عن طريق الفيس تنخم
وممكن تبقى مدمن فيس
أكتر م الحبوب والشَّم
لكن الأهم
أنك تحط بوستر لأيه
أو للصلاه على النبى
أو لمبداأو لأخلاق ولفضيله
أوللمعانى النبيله
وللحب اللى ناقص من حياتنا
وتمسح بيه الكراهيه
ونجتمع عليه نتلم
ويكون منهاج للحياه وأعم
هو دا معنى الفيس يا عم
=======
مستر/عطيه الخضرى
قلين -كفر الشيخ
يعنى ايه الفيس يا عم؟
2018-03-19, 23:16
