أنا كتكوت
لكن واقع من التاكسى
كات العشه بتاع بيتنا
خشب مع بوص
وبابها كبير وكان مكسى
نزلت الدُّنيا واحدانى
وأنا بعانى
وكات النخوه وخدانى
انا نازل أشوف دنيا
محدش فيها بيعانى
لكن للاسف لقيت حلمى
ماهوش ليِّه
وكان مكتوب عليه أسم لواحد تانى
ومكنش حتى مستنينى حد
ولايعلم بيوم فقسى
انا كتكوت
لكن واقع من التاكسى
كات العشه بتاع بيتنا
خشب مع بوص
وبابها كبير وكان مكسى
كرهت الدنيا اللى أنا فيها
واللى حلمت ف يوم أخطيها
لكن نفسى وحيد مذلول
وأنا مكشوف
واقف مكسوف
وكل الدنيا تتفرج وتيجى تشوف
وناس واقفه بتتعجب
بضرب كُفوف
مانيش لاقيلى علبة أكل
ولاعوره لاقيلى شىء يغطيها
وانا مرغم على الدُنيا أِنى أعيش فيها
خطاوى على َّمكتوبه
ومُجبر أِنى أمشِّيها
ناديت على فراخ السلطه اللى ماسكينها
بعت لهم جواب أشرح
ولاحدش ف يوم يقرا لأايميلى ولا فاكسى
انا كتكوت
لكن واقع من التاكسى
كات العشه بتاع بيتنا
خشب مع بوص
وبابها كبير وكان مكسى
وأنا أصوصو ولاحدش ف يوم يسمع
ولاصعبتش فى يوم على حد
ولاجانى ف مره الرد
ولما كات الرياح تشتد
وتتزايد على راسى
وملهاش حد
جناحى بس أرفعها وللسما تتمد
وأقول يارب مش قادر
تيجيلى النجده من عنده بأسرع رد
وأحسن على فراخ الجميع وأدعى
وع اللى كان ف يوم عكسى
انا كتكوت
لكن واقع من التاكسى
كات العشه بتاع بيتنا
خشب مع بوص
وبابها كبير وكان مكسى
ههههههههههههههههههه
============
مستر /عطيه الخضرى
قلين -كفر الشيخ
انا كتكوت
2018-03-17, 04:37
