يا رئيسة المدينه
أنتِّى رُبَّانة سفينه
قالوا عليكى بتشتغل
وكمان أمينه
محتاجينك تسمعينا
نكلموكى وتكلمينا
أنتى رئيسه مش علينا
رئيسه لينا
رئيسه بينا
كام رئيس وجالنا قابلك
ولاحسناه
ولاحس بينا
والمدينه
مش بس شارع يتعمل فيه انجازات
المدينه كام الف شارع
وف كل شارع مشكله
بتكسر الحلم اللى فينا
كل الشوارع متكسره
فيها الزرايب
والنصايب
والناس بتبنى ف كل شارع
ومشكلات صبحت دفينه
يا رئيسة المدينه
هنكون معاكى
ايدنا بأيديكى
نلزِمك وتلزِمينا
صحصحى الحلم اللى فينا
دأحنا م الهم انكوينا
واكتوينا
وأنكفينا
سنين طوال طلعت عنينا
بالله عليكى اكتفينا
خلِّى قلبك ع البلد وكمان علينا
اللى تلقيه يوم مخالف
غرَّميه
واللى سايق بلطجه أفرميه
واللى تايه ف البلد
تخدى بأديه
أنصحيه
فهميه
أحنا ليكى وانتى لينا
يا رئيسة المدينه
حتى العمومى مش مسفِّل
قالوا خطط ومن سنين
وبيضحكوا بيها علينا
وقالوا مصرف يتردم
تسفيل ورصف
فين فلوسهم فهمينا
أعرفى كل المشاكل وأحتوينا
عيشى بينا
وعيشى لينا
يا رئيسة المدينه
وسَّعى كل الشوارع
وخطة التسفيل تبان
ومكتب قلين البلد كمان
أنتى رُبَّانة سفينه
واحنا ليكى أحلى مينا
لو مفيش عرَّفينا
الحمل صعب فهِمينا
هموم جبال
هتشليها
وأنتى ليها
راح تقدرى تتحمليها
وبكل عقل هتحليها
وكل أحلام البلد هتنفذيها
ليه الأمل دايما ناسينا؟
أخدمينا
وهنخدمك
ونكون جوارك
وانتى ف عنينا
يا رئيسة المدينة
============
مستر/عطيه الخضرى
قلين –كفر الشيخ
https://i.servimg.com/u/f58/19/62/69/01/auo-ou10.jpg
نداء الى رئيسة مجلس مركز ومدينة قلين
2017-02-22, 09:55
