دا عضونا راجل مهذب
والأدب عنده يفوق
حالف بنعمة ربنا
ليخدم الناس كلها وبكل ذوق
والناس تصدق
تنتخب
تديله صوت
وف النهايه نلتقيه طالع خاذوق
الناس يا عالم ف البلد لازم تفوق
مش هوه دا
اللى اتخانقنا ف يوم عشانه
وخاصمنا بعض
وشلنا يومها جذمته على راسنا فوق
جرينا بيه
صوتنا ليه
لكن سعادته
يعمل لنفسه ويعمل لناسه
ونسانا قال
واحنا اللى بانيين يوم اساسه
وف النهايه حطنا
ارض لمداسه
واكل علينا ابسط حقوق
كل واحد حزبته
وكل واحد عزبته
ولو تدوَّر يوم عليه
تلقى الجميع دخلوا الشقوق
انته اللى غلطان يا ابن عمى
لما تدِّى الصوت لحد
ومش أمين
وعشان تعاتبه مره يوم
راح ينجعص
وبالاطه يسألك انته ابن مين
علشان سعادته اصبح مهم
بدلات مصالح عمَّال يلم
لو مش هنقدر نعزله
وعن مكاننا ننزله
كلها ايام وتخلص
وترجع الأحوال تروق
والدم يجرى ف العروق
والعتمه تمشى
وبعدها يطلع شروق
أحنا غلطنا كلنا
لكن الغلط مسيره يتصحح ف يوم
فى دوره جايه
مسيرها يوم نتوحدوا ومفيش فروق
لكنه درس ولازم نفهمه
واللى هيكرر غلط
يغور ف داهيه
وم المرار يفضل يدوق
الجرح مش ناقص حروق
=========
مستر عطيه الخضرى
قلين –كفر الشيخ
الجرح مش ناقص حروق
2016-12-23, 08:08
