مصرماشيه وف بحور
مش لاقيه شط 00
عمَّاله تحجل
ماشيه نَط00
حتى الحروف
ملهاش نُقط 00
ولاكلمه واحده
تحب خط 00
ولاعاد فراخ
ولاعاد لحوم
ولاعادش وز
ولاعادش بط
والهُموم
على كل واحد
فوق دماغُه
نازله حَط 00
حتى الآمل
يوم تمسِكُه
تلقاه هرب
زَوَّغ وفِط 00
ولاعاد نعيم
ف الدُّنيا قَط 00
حتى الوُعُود
بقت تتمَط 000
وش البلد مليان يُفَط00
للى نهب واللى شَفط00
واللى ف دماغُه أنخبط 00
حتى اللى سايق ف العَبط00
واللى ضايع واللبط00
عَلَّق يُفط00
يا مُرشحينَّا فى البلد
أسمنت بيشد ف الزَّلط00
كل الجروح
مش ناقصة لَط00
حتى القُشُور
راح تنجَلَط 000
ويبان مصيرها والغلط00
أتوحدوا ماهيش فُسَح
ولافزلكة ولا أنتكه 00
حتى فرعون اللى كان
عامل أسد
يامه أشتكى
وماعادش ينفع فبركه00
أوضاع وماسكه محبِّكه00
حتى الامال مِتشَرَكَه00
حلفت بأغلاظ اليمين000
مش ناقصه تانى الدَّربكه00
ولاناقصه أحوال مُربكه00
كل الخطوط متشبكه00
يارب ليك المُشتكى00
فى اللى يكفَّر
جُند مصر
واللى يقول يوم مُشرِكِه
تلهى اللى يُغدُر بالبُّكا000
وش البلد مليان يُفَط
2014-06-25, 09:56
