لما النهر يكون متهدد
لما جماعة من جواك
ليك بتهدد
لما صداعك بيخليك
قاعد متشدد
لما تكون منسوب لجماعه
بتفرط فيك
من غير سعر
زى بضاعه
تقول لك اقتل
واهدم بلدك
تبقى مجاعه
وانته عليك سمع وطاعه
ولافكارها كمان تتشدد
أسال نفسك ولا تتردد
لما تلاقى الامن مفيش
قاطعين عنك ميِّه وعيش
يقتلوا ف اخواتك
شرطه وجيش
عيب يا اخواننا
كده مايصحش
كده ما يجيش
ولاحد بيسمع
ضاربين تطنيش
قوللى بعقلك
أزاى هتعيش
لما تلاقى حتى رغيفك
ناشف ومقدد
أسال نفسك ولا تتردد
مين راح ينفع يبقى رئيسى
الا السيسى
لما تلاقى الدُنيا بحالها
قاعده تحاربك
لما تلاقى جماعة دين
بتحلل ضربك
عايزاك تدخل
حرب طويله
ماهياش حربك
عاوزه تضلِّم كل حياتك
وتغيَّر دربك
عايزاك تبعد
تكره قُربك
قاعده تسمم
أكلك شُربك
حتى الوطنى ما بينهم ساكت
وكمان متردد
أسال نفسك ولا تتردد
مين راح ينفع يبقى رئيسى
الا السيسى
أسال نفسك ليه أمريكا
مع صهيونها
ليه كات واقفه
علشان مُرسى ومسانداه
بقه أمريكا مع صهيونها
كات بتساند دين الله
وليه السيسى
مش عاوزاه
كانت أُمه وأسلام واحد
كل الدنيا كات تخشاه
قالوا نحارب ف الافكار
لجل ما تبقى
خراب ودمار
واهو بالفعل
قطعوا الامه بالمنشار
يادى العار
ودا امريكا مع صهيونها بتتمناه
شالوا أوتاد الخيمه بحاله
قالوا هنهد عمودها الباقى
فرصه وجات
ومين للفرصه
ف يوم هيلاقى
ياللى اديت
أمريكا الفرصه
خاف الله
دا أنت مسيرك
يوم تلقاه
ارجع تانى لحضن اخواتك
أهزم ذاتك
أبعد نزواتك
أرجع حدد
علِّى الصوت زعَّق ردد
مين راح ينفع
يبقى ريسى
الا السيسى
=====
مستر/عطيه الخضرى
كفر الشيخ
مين راح ينفع يبقى رئيسى الا السيسى
2014-04-16, 07:50
