ساعات كتير
بتشوف بشر
أعلى منهم البهايم
اللى يخبط وانته نايم
واللى يفطر وانته صايم
واللى لو عندك شهيد
أو حتى ميت
يقيم فرح ويعمل عزايم
واللى ع النت تلاقيه
يعرض صور
ويقول شتايم
واللى يسمع فيديوهات
واللى عايش خُد وهات
واللى بيحب الاذيه
يحرق فى دم المخلوقات
واللى عايش
بدون هدف
مخلوق يعاكس فى البنات
واللى ناسى ربنا
ولا عُمره فكَّر فى الصلوات
واللى عامل واد نبيه
اصله فاهم كل حاجه
عايش حياته
ولاعُمره فكَّر
فى الممات
واللى ساقط
بنطلونه
واللى مش
عايش بلونه
واللى سامع
صوت جنونه
واللى فاهم الشباب
قلة أدب
واللى معدوم الادب
واللى ما يعرف خِوات
تقدر تقوللى
انته مين
ابن مين
انته طين
وابن طين
وانته السلاله
م الماء المهين
فرحان بنفسك
وبشبابك
وانته ميت
ومهما يطول
العمر بيك
اكيد هتكون م الميتين
النحلة لو
بيعزها يوم العسل
ميعزهاش صوت الطنين
والرمله لو كانت عزيزه
اعز منها التراب والطين
شوف ياللى
ماشى من حياتك
راح ييجى يوم
راح تنطرد
بأشر طرد
راح ييجى يوم
ويسكنوك متر واحد
بس ارض
راح ييجى يوم
راح تبقى وحدك
مالكش طول
ولاحتى عرض
راح تعمل ايه
ولا يوم رجعت لربنا
ولاحتى يوم
قضيت له فرض
راح تعمل ايه
يوم الحساب
يوم تشوف الطفل شاب
واللى حامل
يومها ينزل حملها
لما تشوف شكل العذاب
ولايومها ينفع اى مال
ولا يومها راح ينفع عيال
ولايومها راح
ينفع شباب
ولافيه وساطه
ولافيه شهود
راح تشتريهم
ولافيه عباطه
ولاليك محامى
كل اللى ليك
هيكون صحيفه
وليك كتاب
هتقول حصل
كل شىء مكتوب يارب
ولايوم لسان يكون كذاب
ولايومها راح ينفع عتاب
كلنا هنكون عرايا
ولاستر لبس
ولاستر باب
ارجع بسرعه
وعود لربك
فارق شيطانك
الفاسق الكذاب
الرجوع
مافيهوش صعوبه
الحكايه بس توبه
والنهايه تبقى مّره
وتكون اخيره
وتبقى نوبه
ساعتها بس
كل الذنوب هتكون سراب
سارع بتوبه
بجنته
دايما تفوز
الرجوع عن الذنوب
ماهوش حرام
واجب يجوز
ارجع بصدق
مش لوى بوز
اثبت وتوب
اوعاك فى يوم تكون مهزوز
ابعد شيطانك
اوعاك تخلى ليه نفوذ
ارجع بسرعه
ارجع وتوب
دا رحمه الله الكبيره
بلا ابواب
ساعات كتير بتشوف بشر أعلى منهم البهايم
2014-01-01, 21:40
