محدش هنأنى بعيد ميلادى اليوم الثانى من ديسمبر اربع وستون
============================
النهارده
يوم ميلادى
يوم انزرع دستور بلادى
يوم اشوف العجله
تبدأ
تحصد الحلم لولادى
يوم بدايه لكل خير
لجل ما نكيد الاعادى
واللى رايح يبقى غادى
لجل نفرح
نبتسم
والخريطه تترسم
وكل القضايا تنحسم
نسجد ونشكر ربنا
يخلَّص لنا
من هم يوم على صدرنا
وكابوس جسم
والسعاده تبقى عادى
لجل ما تعلى المساجد
والكنايس فى كل وادى
صوت الجرس ويا الادان
والخير يبان
والصوت ينادى
وتعيش بلادى
لجل نبدأ نشتغل
عاهدونى دلوقت السعادى
علشان نطَّور
صوت وصوره
ونبث تانى من المعادى
ويبقى صوتنا اعتيادى
ويارب تحمى مصرنا
ولِّى خِيارنا أمرنا
يارب عوَّض صبرنا
يارب واجبر كسرنا
يارب يسَّر أمرنا
واحفظ بحفظك عُمرنا
فرَّج بعفوك كربنا
يسَّر بيسرك عُسرنا
يارب طهَّر نهرنا
طهَّر قلوبنا وصدرنا
ونحسبنوا من قهرنا
على كل من يمكر بنا
يهتك بحقده سترنا
يارب رجَّع فرحنا
يارب واكفينا العِدا
واحمى النفوس المؤمنه
يارب بأيدك أمرنا
انته اللى مُهلك خُد لنا
من كل نفس خائنه
من كل حيِّه متلونه
كلنا اشعاث وغُبر
اقبل دُعانا مننا
اللهم امين يارب
====
مستر عطيه الخضرى
النهارده يوم ميلادى
2013-12-01, 23:52
