أنا ذنبى فيمن حبيت
لا أنا أتوضيت
ولاصليت
ولا أنا قريت
ولانمتش ولا أنا صحيت
ولاأنا فطرت وأتغديت ولا أتعشيت
قاعد معلول
ولا أرتحتش وأنا قاعد ولا أنا مشيت
أنا مدبوح وياما بكيت
أنا مقهور
أنا معذور
أنا مكسور
أنا محصور ف قلب البيت
أنا قلبى مشاعل نار
وأنا حلقى كما الصبار
مرار ف مرار
وأنا ضلوعى دموع أنهار
أنا بنهار
ولاعارفلى ليل ونهار
ولاأتحركت ولا خطوه
ولاخطيت
أنا مهبول
أنا مشلول
ولارحتش ف يوم ولا جيت
ولاعمرى كذبت ف يوم
ولاللكذب يوم حبيت
أنا حبيت
لكن الحب خلانى
أنا أنذليت
أنا خسيت
أنا أنسليت
أنا ف جهنم الحمرا
لكل مشاعرى أنا حطِّيت
وياما كتمت أنا ف قلبى
وياما داريت
نسيت عقلى
نسيت نفسى
أنا أنشليت
أنا ميت وأستاهل
عشان جاهل
يارب خدنى ريحنى
أنا مليِّت
مانيش قادر ف يوم أنسى
ولاقادر عليه أقسى
ويوم عن يوم يزيد حبى
قصور أحلام
ف أحلامى لحبى بنيت
ماهوش حاسس بتعذيبى
أنا يارب بتعذِّب
أنا أتهديت
مانيش قادر
على العشق اللى كان نادر
على الحب اللى جه غادر
يارب الرحمه يا قادر
يتاخدنى
يتجمعنى بمن حبيت
وخد بأيدى يارب البيت
الرحمه يارب القلوب
يارب الرحمه أنا أستكفيت
======
يارب الرحمه يا قادر يتاخدنى يتجمعنى بمن حبيت
2018-09-10, 07:39
