الحب الحقيقى ميتهملش
ميتنساش مينغفلش
ولسه والله العظيم
مبستحملش
فاتح بيبان قلبى الأربعه
مبتنقفلش
حاولت أقتل الحب اللى فيَّه منقتلش
والله حبيتك بجد
وللفراق ده مستهلش
أصل أنته شمسى ف الحياه
سيبنى أقولك عن مشاعرى
وأزاى وصل حبى لمداه
لما تبعد بس لحظه
قلبى يتحايل عليك
وابعد سنين مبتتحايلش
طاب شفت حاجه منى تزعلك
يا شمس ولكل الفلك
حبك ملك
ما أجملك
أنى كُلِّى لك
ومهما تعمل يا حبيبى منفعلش
لكن بقولك ياحبيبى
عذر الحبايب ينقبل
لو حتى عُذر مينقبلش
وزهره الحب الحقيقى
ولايوم تموت ولاتتدبلش
ومهما كان صعب الفراق
مسيره اللُقا ييجى
والفراق ميكتملش
وأنته عارف كل ده متستهبلش
ومتمثلش
ولما أرن يوم عليك
ردى علىَّ ومتنشغلش
هههههههههههههه
=========
مستر/عطيه الخُضرى
قلين-كفر الشيخ
الحب الحقيقى ميتهملش
2018-03-19, 08:41
