تعمل أيه؟
لو ف لحظه صبحت غارم
والديون خلِّت حياتك
دُّنيه هموم وبقلب وارم
تعمل أيه؟
لما تلقى
كل اللى عارف محنتك
سايبك تشوف كل السواد من دُنيتك
ويبعد بعيد
يسيبك وحيد
برغم أنه
عامل فضيل وابو المكارم
والديون خلِّت حياتك
دُّنيه هموم وبقلب وارم
تعمل ايه
لو ف لحظه صبحت غارم
كنت العزيز
والرسول وصَّى عليك
قال أرحموامن الثلاثه
عَزِيزَ قَوْمٍ ذَلَّ
زادت همومه ف يوم وأنذل
عمَّال بيرسم ضحكته
علشان يدارى بلوته
عشان محدش يوم يحس بكبوته
ولما يبقى ف يوم لوحده
يناجى ربُّه بدعوته
وتبقى غلباه دمعته
ويلقى نفسه بهمِّته وسط المفارم
تعمل ايه؟
لو ف لحظه صبحت غارم
تشوفه لابس
بنطلونه والقميص
تقول عريس
بيدارى دمعه حوجته
علشان حسيس
والفانله مقطَّعه
والشرط برضه هتلاقيه
مش رُقعه واحده -لا أربعه
لكنه شايل جوه صدره
قلبه العزيز
ومعدنه غالى ونفيس
عزة النفس ملهاش قياس
ولا ليها وحده بيها تقِّيس
وعزه نفسه غاليه عليه
وبالنسبه ليه
شىء عظيم ومن المحارم
تعمل ايه؟
لو ف لحظه صبحت غارم
------
مستر/عطيه الخضرى
تعمل ايه؟
2016-06-29, 09:09
