أبنى على
ربنا يبارك فى عمرك يا ألذ الُّذاذ
ياحبة قلب بابا وأعز العُزاز
يا ابن محترم وبار وبدرجه الأمتياز
ابن راجل من أنضف طراز
منور حبيبى ف شركة الغاز
شد حيلك عشان نكمل الجهاز
وتبقى جوز محترم ولا كل الأجواز
وأصبر وطول بالك
الصبر والأمل ف الدُّنيا ينعاز
أوعاك تزعَّل حد منك
ودايما خليك مبتسم
وللحق دايما وحب العمل تنحاز
خلى ربنا ف قلبك
وحب النبى يبقى سندك
تضرب شيطانك بالعُكاز
مادام ربنا راضى عليك
وحب أبوك وأمك هما نقطه الأرتكاز
يرضى دايما ربنا
ووالديك
دايما عليك
وينحرق الشيطان بالجاز
وأفتح المصحف فى ساعه الراحه
هتحس دايما براحه
وتنفك قدامك كل الأغاز
رضا ربنا عنك
بدعوة امك وأبوك
هيحقق الأعجاز
أسمع كلام الكبير
واحترم كل الزمايل
وأتفانى فى العمل
هتحقق الأنجاز
أوعى تغضب لما يشتد العمل
ودايما تبقى ثابت
وتأدى عملك بأعتزاز
أوعاك يأثر فيك ملل
أو يهزك أهتزاز
وأثبت بحب
كل الألم راح يختفى زى الرذار
ربنا يهديك ياغالى
ويبعد عنك النشاذ
ويقرب البعيد يارب
وتفرح يارب بالجواز
ويقولوا على عطيه صبر
أخيرا كبر
وبالشغل والعروسه فاز
=======
مكتوبه على عجل لكن من قلب بابا
مستر/عطيه الخُضرى
قلين /كفر الشيخ
أبنى على
2020-08-20, 22:10
