ورب الكون مُرشحينَّا زهقونا
ريحوا دماغكم خلاص
اللى كانوا قبلكم فوقونا
وعود وفالصوا وخذوقونا
طنشونا
أهملونا
بالله عليكم يا ناس سيبونا
نفس المواويل اللى فاتت
جاييِّن وتانى بتوعدونا
أحلى كلام بتسمَّعونا
جايين وتانى
تولعوها وتحرقونا
فجأه باشا
وفجأه عمده
مين أنتو بس يا خلق هوووه
فهمونا
كل بيت طالع مُرشح
أرحمونا
أرحموا دماغ أبونا
ييجى ميت مُرشح
يبقى الغرض هتفرقونا
لصالح مين هتخسَّرونا
كل اللى طالع ناس أفاضل
ولاحد بينهم يقدريفاضل
بس اللى فاضل
تفهموا وتجمعونا
مش فجأه يطلع كل واحد منكم
ويقول أحق
وعندى حق
يعنى ممكن يوم تمطر
وف بؤونه
وربنا المعبود خلاص
قرفونا
عضوا طالع
وعضو نازل م الرزونه
وعضوعمال يفتخر
راجل كريم ولاميت لمونه
الرجوله انك تلم مش تفرق
والكرم ترفع ف ناسك
مش تغرَّق
وبأنتماؤكم حسسونا
أتجمعوا وأختارو واحد
لو قصدكم يوم ترفعونا
لو جمعتوا بعض صح
ورب الكون هتشرفونا
متضحكوش كل الدواير
يوم علينا وتكسفونا
أتجمعونا وأختارو حد
يقدريعدِّل ف البلد
أتجمعوا بالله عليكم وأسعدونا
يارب توصل الرساله وتسمعونا
============
مستر/عطيه الخُضرى
قلين-كفر الشيخ
ورب الكون مُرشحينَّا زهقونا
2020-02-27, 06:43
