بعيد عنى وانا قلقان عليك
رطبت قلبى باتصالك ربنا يخليك
نفسى أضمك وأحضنك
تحس باللى فيه
وأحس باللى فيك
نفسى تسكن جوه قلبى
جوه روحى
جوه عينى
أخاف عليك
علشان بحبك
بعشقك
وكلى ليك
مشتاق ورب الكون
لنظره عنيك
لابتسامتك
البريئه ولمسة ايديك
والله كنت ف نعيم
لما كنت باجى اليك
قدرك كبير ف قلبى والله العظيم
قربك سعاده وفرح
بعدك عنى والله اليم
ياملاكى انتى اعظم من ملاك
قلبى والله العظيم عاشق هواك
حلم عمرى أنى اكون ف يوم معاك
انا بحبك بعشقك
أنا بهواك
انته هايل
علمتنى كل الفضايل
عدلت كل وضع كان عندى مايل
علمتنى
أنى احب ربنا
حب الخلود
مش حب زايل
شيلتنى كل السعاده
وانا كنت قبلك للهم شايل
خلتنى أحب كل الناس بحالها
انته نعمه ربنا
انته الحنان
وانته الوفاء
أخلاص وحب
شربتنى كل المحبه بشكل سايل
غيرتنى بحق وحقيق
من كل قلبى بشكرك
ياملاكى
أنته هايل
ربنا يخليكى ليِّه
يابنت حوا
ياللى سويتى الهوايل
=========
مستر/عطيه الخضرى
قلين –كفر الشيخ
رطبت قلبى باتصالك 
2018-07-11, 08:05
