أوعى يخونك يوم تعبيرك
أو مره يخونك سوء تقديرك
أنا راح أقف لك زى ضميرك
هدِّيك بالبُكس
وبالشلُّوط
لو حتى تموت
أو ينشل ف يوم تفكيرك
أوعى تفكَّر تانى يا معفن
أنك تاخد حاجة غيرك
قالك مش عاوزك
ليه انته مُصر
مش هتكفِّى ف يوم أعذارك ولا تبريرك
مهما تكون حاسس جواك
لوحتى الموت هيكون يهواك
لوحتى حياتك بس هلاك
مش عاوزاك
كسر حلمك اللى لقيته
أصل انا هبدأ يوم تكسيرك
كان ف ايديك
تبقى الدُّنيا بحالها معاك
ليه منطقتش
وقلت أنا عاوزك
كانت الدنيا بحالها معاك
بس غبائك وقَّف سيرك
أسمع بس كلامى حبيبى
أرحم نفسك
وأرحمها معاك
خليها تخلص من تأثيرك
شهر البركه جايلك يجرى
أجرى عليه
صومه وصلى وأبدأ تكفيرك
هتلاقى ربك رب رحيم
هيكون جنبك وقت شدايدك
وانته حبيبى وبلفت نظرك
مش غرضى أهينك
لكن غرضى بجد كان تحذيرك
أنا راح أقف لك زى ضميرك
2018-05-06, 10:11
