كل يوم بتزيد غماقه
يا خلق هووه لينا طاقه
متسيبوها بالأدب وباللياقه
وتخدوا منَّا الف ورده زهور وباقه
سنين وعدِّت بالهموم
ولاخدنا فيها يوم جمل
ولاخدنا ناقه
وكنا بنلوم مبارك وشلته ورفاقه
لكننا برغم سرقه شلته
كنا عايشين وبأناقه
كنا بناكل ونشرب
عايشين ملوك
ولاحد يوم ضرباه سلوك
كنا بنجرى وبامان
وبانطلاقه
دلوقتى حاسين بالاعاقه
كل واحد مننا
والله بينه واسرته
كل يوم بتكون خناقه
كل يوم اسعار تزيد
وكلها وعود زيف وبراقه
وعيشه والله زفت
مر والم وهموم وحراقه
امتى نتجمع يا ناس وبالصدق نتلاقه
ونروح لحسنى اللى كان ممشيها
برغم انه سارقها
ونقول تعالى ناسنا والله العظيم مشتاقه
اسفين يا ريس
يارب تقبل اعتذارنا
وتقبل مننا طلب الصداقه
=====
الحكايه بالشكل ده مش هتطَّول
وهنرجع تانى
والدُّنيا تبوظ
وبالفعل باظت
اكتر م الأول
ليه كل واحد م الحكومه
يقول وعود وف لحظات يتحول
الناس بتقول عننا وبيقدرونا
ولاكل واحد على راس ابونا بيتبوِّل
ولاناس فاكرينها فسحه
وفوق هموم البلد رئيس وزرائنا ماشى يتجوِّل
هو احنا مش فاهمين خلاص
ولاف هدفكم تقتلونا بالهموم
مش بالرصاص
فين الوعود فين الأخلاص
ياخلق المصرى بشر
ماهوش بلاَّص
كفايه علينا ياخلق هووه
فاضل لنا ايه
من بعد م المصرى اصبح بيتسوِّل
والله هى دى الحقيقه
لا بزوِّد ولا بكبر وأهوِّل
اللى مش قادر يمشِّى
ايه لزمته يُقعد يطوِّل
=======
مستر/عطيه الخضرى
كل يوم بتزيد غماقه
2017-09-14, 01:17
