يا خلق هووه فين الرقابه؟
أسعار بتاكل ف الغلابه
أحنا بشر يا خلق هووووه
محنش ف غابه
سايبينها ليه
تحت الضروس
وف لحمنا تنهش ديابه
الدوله فين يا خلق هوووه؟
الوضع مش ناقص كابه
ميغوروا كل المسئولين
ديتهببوا يتغيروا
اتحركوا يا خلق هوووه
ماعدش ينفع اى ندب أو كتابه
أنتوا شايفين المرض
والكل عارف منكم فين الأصابه؟
كل يوم بنقول ونصرخ
والحكومه بس ساكته
من غير أجابه
ولاعضو نافع
ولاعاد بينفع مسئولين
يا خلق هوووه فين الاستجابه؟
الموضوع بايخ بجد
معدتش نكته او دُعابه
أتحركوا لجل ما تشيلوا السحابه
أتحركوا
أصل البلد صبحت خرابه
أى مسئول مش بيخدم
قيموا فيه حد الحِرابه
ياخلق هوووه أعمل أيه
أقوم أغنى ع الربابه
=====
مستر /عطيه الخضرى
الدوله فين يا خلق هوووه؟
2017-01-08, 23:04
