أعمل حاجه ياريِّس الناس بتئن
لاكبير مرتاح
ولاعاد فيه راحه لصغار السِن
الأسعار فى النار
والعيشه مرار
حتى التُجار
نازلين رفع وبأستهتار
ولاعادش رقابه
ولاعادش متابعه
والناس بدأت تنهار
الليل طال
وسواده عميق
مش باين يطلع تانى نهار
الصرخات بتزيد ف قلوبنا
حتى جيوبنا
ماعدش يملاها الأشعار
بص ياريس
لفقير غلبنان
أرحم غُلبه
وعليه أتعطَّف تانى وِحِن
أعمل حاجه ياريِّس الناس بتئن
لاكبير مرتاح
ولاعاد فيه راحه لصغار السِن
كلُّه أهو زاد الفين ف الميه
وكمان بيزيد
لما التَجار تخفى الكميه
الناس ريسنا
بتعيش ف مرار
أسعار مؤذيِّه
وحكومه ياريِّس
عايشه ف أحلام
أعضاء مجلسنا
أهى ناس بتنام
ولاحدش فيهم
ولايوم يتحرك زى الأصنام
والنس بالهم صبحت ملهيه
والاوضاع بتزيد ف السوء
بقه شىء بيجن
لسَّنا بنحبك
ولاعُمر بسوء
ف دماغنا نِظِّن
أعمل حاجه ياريِّس الناس بتئن
لاكبير مرتاح
ولاعاد فيه راحه لصغار السِن
========================
مستر/عطيه الخضرى