تهنئه من أعماق قلبى وشِغاف روحى وصلب كيانى من
أستاذك المعتز بك علما وادبا واخلاقا واصلا طيبه رحم الله والديك واسكنهم فسيح جناته
ولانك الحب الصادق الذى فرض نفسه على قلبى ومشاعرى وروحى وحياتى
ولانك زوجتى المخلصه المحبه الوفيِّه الأمينه المسانده لى ولاسرتى فى كل لحظه من عمرنا ولم تطلبى مره شيئا وتحمدين وتشكرين وتمدحين اى شىء أهديه له وتكونى وقتها أسعد الناس وحافظتى على سرّى فلم يعلم به حتى أولادى وسترتنى وسترتهم سترك الله وأعزك
ولانك أم أولادى المدرس النموذجيه التى انشأتهم يعرفون الله ورسوله بوسطيه دون تشدد أو ضيق أو نفور
================
كل لحظه وانتى بكل الخير يا أعز الناس
عيدميلادك النهارده يا حبيبتى
عيد ميلاد كل الخلايق
لما بكتب مره عنك
لحد ملقى كلام يكون بيكى بس يبقى لايق
ازاى اوفِّيكى جمايلك
وأشكرك بس ف دقايق
ياللى حُبك صحَّى قلبى للحياه
مهما كان فيها الألم
بس أشوفك أبقى رايق
انتى تلميذتى النجيبه
كل أخلاقك كريمه
من أصل طيب
لمَّا مره أقول ف حقك
بحس أنِّى بفتخر
أِنى لابس وِأِنى عايق
عُمرك ما قلتى عاوزه شىء
راضيه بقليله
شاكره وحامده
لما أجيب لك أى شىء
تحبِّى دايما تبقى عايشه ف الحقايق
مش بس زوجتى
لأحبيبتى
كمان صديقتى روحنا شقايق
أمّى كانت هىَّ أمك
كمان خواتى دوُل خواتك
ربنا يبارك ف عمرك
وف حياتك
ياللى عمرك ما فعلتى يوم بينَّا الحرايق
لما بتزنق ف يوم
أو تغمَّق
مين يطبطب يوم عليَّه
بأبتسامه
وكلمه حلوه
بس أشوفك بس جنبى
ألقى أبتسامتك
مهما طال الهم ببقى سعيد وطايق
أصل أبتسامتك جنتى
ودُنيتى وكل الحدايق
ربنا يخلِّيكى ليِّه ولعيالنا
مش هكفيكى اللى فيك مهما اكتب عمرى كُله
مش بس أنهيها ف دقايق
===========
مستر/عطيه الخضرى
عيد ميلاد زوجتى الحبيبه 
2016-11-26, 20:57
