الحكايه الثانيه(من حكايات شد الحزام)
=======
وعب كريم
كان واد عسل
ف الشطاره ما تلاقى زيُّه
ولاكانش يعرف يوم كسل
حاول كتير
يشوف له واسطه
لكن مفيش
هيجيب منين؟
مش لاقى حتى
يجيب له رابسوا
للهدوم يوم تنغَسل
قليل ف بخته
ولا لاقى كرشه
ولاحتى عضم يوم ف كرشه
زى ما قال المثل
سنين بياكل ف الظلط
ولايوم عمل سوء أو غلط
والحلم ميت جوه قلبه
وكل يوم كان ينجلط
من ضربة ظروف
ومره من احساس بخوف
والابتسامه الناس تشوفها
من عيونه ميعرفوش
انها فى كل مره
بالمراره بتنخلط
ولاقالش مره يوم ظروفه
لأى حد ولا أيه حصل؟
وعب كريم كان واد عسل
=====
مستر/عطيه الخضرى
قلين-كفر الشيخ
=====
تابعونا فى باقى الحكاوى
والحكايه الجايه (للواد سلامه)
الحكايه الثانيه(من حكايات شد الحزام)
2016-09-19, 22:44
