شىء فظيع
ان احلامك تضيع
واللى تصونه
ولا يوم تخونه
وبتحترم نهجه ولونه
وتموت ساعات لو الدموع
تبقى ف عيونه
ليك يبيع
شىء فظيع
اللى تحبه يوم يخونك
ويكرهك حتى ف سكونك
مع أنه كان بالنسبه ليك
نورك عيونك
ورغم اللى بيعمله
تكذِّب ظنونك
وتخاف عليه
ولاحتى نوم يقرب جفونك
تلقاه بيتحول ثعالب
يعمل مقالب
والطبع يبقه قدامه غالب
مع انه كان طيب وديع
شىء فظيع
تلقى كل الناس فى عيد
كل واحد فرحان سعيد
وانته وهمومك بعيد
قاعد وحيد
ولامره يوم سلم عليك
حتى وف عيد الربيع
شىء فظيع
طاب بس لو يرمى السلام
لو حتى يرمى بالاشاره
من غير كلام
هحس بيه
والتقيه
واجرى عليه
وينتهى بينَّا الخصام
وهتنقفل كتير مواضيع
شىء فظيع
شىء فظيع
=============
شىء فظيع
2016-05-02, 02:34
