منكو لله ياعرب ويا مسلمين
شاهد عليكم ربِّنا
ياللى رضيتوا بقتلنا
ياللى استباحتوا عرضنا
ياللى حرقتوا أرضنا
خليتوا بشار الغبى
حرَّم علينا فرضنا
شرَّد ولادنا وذلِّنا
يقتلنا ويمثِّل بنا
فين العرب
يامسلمين
يا موحدين
اخوه ف عروبه
وكمان ف دين
ياللى عارفين ربنا
فين الأُمم
فين الهِمم
فين المشايخ
والمسئولين
فين القِمم؟
جالهم صمم
ولاخلاص معدش فيهم غير رِمم
ساكتين وخانوا عهدنا
فوضنا فيكم أمرنا
فوضنا فيكوا لربنا
والناس عليكوا محسبنه
ما خلاص معدش مسلمين
ولامحسنين
ولامنتمين لأى دين
معدش فيه غير مخروصين
متكممين
حتى أسلامنا المتين
والنور الهادى المبين
اصبح ف قلوبهم تجاره
اصبح مجرد منظره
بالذمه دا مش مسخره؟
سايبين خواتنا
حتى الاراضى بتنحرق
ساكتين وبس
زى الصخور فوق الجبال متسمَّره
قاعدين وبس بنحتفل
ناكل فسيخ نتفسّحوا
ومقضيينها فشخره
اتجمعوا وقفه لخواتكم
واطلبوا م المسئولين
مش يندبوا
ولا يشجبوا
نروح نحارب كلنا
من النهارده يحرم علينا اكلنا
او شُربنا
لحد ما نحرر خواتنا
ونمحى بشَّار الأسد
ونعيدها سوريا لحضننا
بالذمه دا مش حقنا
ولّانسكت
وكأننا اموات جثث متكفِّنه
==========
مستر/عطيه الخضرى
قلين-كفر الشيخ
منكو لله ياعرب ويا مسلمين
2016-05-01, 03:04
