يوم ميلادك
يوم ميلاد لكل مصرى
يوم ميلادك
يوم سعاده بشكل حصرى
يوم ميلادك
يوم ميلاد للشهامه والرجوله
يوم ميلاد للتحدى والبطوله
يوم تحدى للمصايب المهُوله
يوم يرد فيه شبابنا م الكهوله
يوم ما تعجز المقوله
انها تعبر بجد
يوم ما تمسح الدموع
عن كل خد
يوم ما نبنى بجسمنا حائط وسد
يوم ما نتجمَّع بحب
لما الصعاب تشتد
يوم نحط لكل شىء
فى بلدنا حد
يوم الكلام يبقى أحترام
والادب ف كلام ورد
والنعيم فى بلدنا يِسرِى
يوم ميلادك
يوم ميلاد لكل مصرى
يوم ميلادك
يوم سعاده بشكل حصرى
يوم نحب ربنا
يوم نحس ببعضنا
نحفظ كرامة ارضنا
واللى يهدم
واللى يقتل
ولاعمره مسلم
ولاعمره مصرى زيِّنا
ولادينا يوم قال أقتلوا
ولاقال ندَّبَّح بعضنا
يوم ميلادك
يوم مناخذ حقنا
ساعتها يبقى عهدنا
نصرك ونصرى
يوم ميلادك
يوم ميلاد لكل مصرى
يوم ميلادك
يوم سعاده بشكل حصرى
يوم ميلادك
يوم ميلاد لكل صانع
يوم ما تبنى فى المصانع
يوم تزيل من تاريخنا كل مانع
يوم ما هتعدى الموانع
يوم ما تبنى تانى مصر
وتكون لنا قصرك وقصرى
يوم ميلاد لكل مصرى
يوم ميلادك
يوم سعاده بشكل حصرى
===========
مستر/عطيه الخُضرى
قلين –كفر الشيخ
يوم ميلادك يوم ميلاد لكل مصرى
2014-11-18, 23:57
