طاب يرضى مين
يا مسلمين
يا موحدين
انك تفجّر جندها
تقتل جناين وردها
وتخون ترابها وارضها
ياكل ملعون منها
داعيين عليك
من قلبها
ورافعه راسها لربها
ياخد لها
ومحسبنه
على واحد
خان ترابها
قتّل شبابها
حاول ف يوم
لو حتى يحرق دمها
ايه ذنبها
ربَّت
وصانت
فاكره انكم
اولاد حياتها وبطنها
يامجرمين
طاب يرضى مين
يا مسلمين
يا موحدين
شوَّهتوا ليه
صورة نبينا
لما الغبى يطلع يقول
الوصايه ع الجنود
ماهوش حديث عن الرسول
وكمان غبى
برضك يقول
لو هدم كعبة
ذنب عند ربنا
يبقى اهون من عزل مرسى
مرسى مين
اخوانى يا مهبول
لما واحد يوم ينام من غير غطا
ويقوم يقول
ف كلام غريب مع هلفطه
مرسى صلَّى بالرسول
بقه اللى أمْ الانبيا
يا اغبيا
يصلى بيه خاين لبلده
معدوم الاصول
واما غبى يقول ف رابعه
جبريل نزل
بيصلِّى بينا
يبقى اكيد مخبول
دا ربنا
ولا يوم يحب الظالمين
طاب يرضى مين
يا مسلمين
يا موحدين
يعنى ايه تحرق
ف جامعه
يعنى ايه تضرب مدرس
وتنط سور
يعنى ايه تمسك حراير
من وسطهم
يعنى تبقى الحراير
ماسكين ف شوم
وبيضربوا
فى معلمه
ويخلعوها
وجسمها مليان كُسور
ليه الغرور
رغم اللى يحصل منكم
رغم الظلام
راح ييجى نور
الكون ليه رب
يقدر يلم ف شملنا
يقدر يكيد للكائدين
عديمى الدين
طاب يرضى مين
يا مسلمين
يا موحدين
طاب يرضى مين يا مسلمين يا موحدين
2013-12-30, 19:44
