رسالة للمدمن

-بسم الله الرحمن الرحيم
والصلاة والسلام على رسول الله - صلى الله عليه وسلم
الإدمان داء لعين
يفتك بنا
وبإخواننا

ولهذا كتبت هذه

رسالة لمدمن

===================================

عَمَّر قلبك واذكر ربك
عُمْر الشيطان مايقربلك
بالإيمان هتحصن قلبك
وتكون قدوة نمشي وراك

ما تضيعش الأحلام منك
باستسلامك ضعفك جبنك
بص لنفسك بص لسنك
تعرف إن الحلم معاك

خليك ف الأيام الجاية
ما تبصش ورا منك
ثانية قول للعالم قول للدنيا
قول مش هارجع من جواك

حرر نفسك فك قيودك
ويا إما الإدمان هيقودك
ويذلك وهيمحي وجودك
وتلاقي طريقك أشواك

الإدمان دا طريق للنار
بيخليك تعصى الجبار
ويسيبك ف طريق محتار
اوعى تسيب نفسك لهواك

قول مش هارجع للإدمان
بعزيمة وإصرار وإيمان
قول مش هاخضع للشيطان
مش ممكن ربنا ينساك

ربك دايما بينا رحيم
بيسامح غفار وكريم
خلقك في أحسن تقويم
حافظ على نعمة مولاك