القاعات العامة

**أبو حفيظة** · 2013-03-13, 17:06

قصيده حس للطالبه شمس حسين المحمدى قطب التى تنتقد مرسى

قصيده حس للطالبه شمس حسين المحمدى قطب التى تنتقد مرسى

على فكره انا اتعمد انشر القصيده هنا فى قسم الشعر علشان حلو

ولازم الكل يعرف القصيده اللى البنت اتوقف من المدرسة بسبب انتقاد مرسى

وده رابط الخبر والتفاصيل

http://www.raafat2.com/t24302-topic

حــس
حس يا سيادة الريس بينا
حس بالنار اللى والعة فينا
حس بشهيد حلمه ضاع
حس بقهرة أهالينا
ليك رب هتقابله.. طب هتقوله إيه؟ لما يسأل جنابك علينا

حــس
حس بشوارع مليها دم
حس بقهرة أب وأم
حس ببيوت جُواها هم
والقلوب مليها الغم
حس ببلد بتموت
وعز شبابها بيتسم

حــس
حس بجدع عياله جاعت
نزل يوكلهم فكرامته اتباعت
اتسحل واتعرى فى وسط حكومتك
وبعد ده كله حقوقه ضاعت

حــس
ده أنا المصرى ابن البلد
حلمى فى وسط الميدان اتولد
حلمى فى بلدى تعلى لفوق
وحلمى قدامى اتعرى واتجلد

حــس
يا سيادة الريس شرفك فين؟
لما اتعرى المصرى الهمام
لما اتسحل واستغليت إنه راجل جعان
وعاوز تكممه وتكتف عزته
وتهز بلدنا.. بلد الشجعان
لا مش هسكتلك ولا اسيبك تنهش
فى لحم بلدى زى زمان

حــس
ما أصلى خلاص م الموت معودتش بخاف
عارف الموت؟ عارف معناه؟
الموت أحلام بتموت وتضيع
الموت مش بس موت الحياة
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وأمه م تقدر تنساه
الموت أب انكسر ظهره
ابنه كان ظهره وقواه
الموت يعنى مستقبل بيموت ويضيع
وتموت أحلامك وياه

حــس
حق اللى اتعرى يا ريس فين؟
ولا هو اللى عراه أصلا مين؟
اللى عراه ظلم وكدب
اللى عراه حكم مهين
اللى عراه ديابة ملهاش إحساس
اللى عراه كلاب مسعورين
اللى عراه سكوت.. اللى عراه جبروت
اللى عراه سلطة بتكسر عين

(حــس)
ورسالتى أخيرة لنظام جبان
نظام فاسد ملوش عنوان
لو همــوت
لو دمى منك يلاقى الجحود
وتهددنى بسجن ظلام
ولا لوجوده أى وجود
... مش هتسكت فيا الصوت..
... مش هتسكت فيا الصوت..

وكمان القصيده فيديو

ايه رايكم فى النهضة يا شعب ؟؟؟

الموضوع الأصلى : قصيده حس للطالبه شمس حسين المحمدى قطب التى تنتقد مرسى المصدر : منتديات رأفت الجندى الكاتب : أبو حفيظة

**زكى محمد كود** · 2013-03-15, 17:01

قصيده حس للطالبه شمس حسين المحمدى قطب التى تنتقد مرسى

والله بنت ب100 راجل

ربنا يحفظها يا رب

--------

هى دى بقا النهضه ان لما حد يعرضك تسجنه تقتله ترفضه يلا ماهى كوسه بقا

الموضوع الأصلى : قصيده حس للطالبه شمس حسين المحمدى قطب التى تنتقد مرسى المصدر : منتديات رأفت الجندى الكاتب : زكى محمد كود

شاعر المشاعر · 2014-01-23, 15:46

قصيده حس للطالبه شمس حسين المحمدى قطب التى تنتقد مرسى

بارك الله فيك

وجزاك الله خير الجزاء

وجعله فى ميزان حسناتك

وحفظك الرحمن وجعلك من اهل الجنه

الموضوع الأصلى : قصيده حس للطالبه شمس حسين المحمدى قطب التى تنتقد مرسى المصدر : منتديات رأفت الجندى الكاتب : شاعر المشاعر

القاعات العامة

القاعه الأدبية

الشعر والخواطر وعذب الكلام