انتخبوا معايه الحاج مغاوري
رجل البر الرجل الثوري
يوم تحتاجه تلقاه فوري
قامت الحاجه تفيده تنادي
والله بجد هبيعله اساوري
نجح الحاج ووقفوا معاه
وفرح الكل
كأن فريقهم أخد الدوري
وابن الحاجه تفيده اتجند
راحت جري تجيبله واسطه
م الحاج مغاوري
اتهرب منها
قفل تليفونه
واتفاجأ بيها
وقابلها بيضحك
جري ايه ياتفيده عاوزه تحاوري
تقعدي جنبي وعايزه تجاوري
مش فاضي ياحاجه
انا اصل وزير
والهم كبير
وكفايه عليكي انك بتناوري
روح يا بعيد منك لله
كأن بيقولي بس تشاوري
لكنه كلام
كذب واوهام
وأهو حتى معدش يرد سلام
منك لله يابعيد يا مغاوري
====
مسترعطيه الخضري
قلين-كفر الشيخ
انتخبوا معايه الحاج مغاوري
2020-10-02, 06:10
