مفيش زعل
مش هنفعل
وانته برضه متنفعلش
ومتزعلش
مش هستحمل زعلك لحظه
ولاراح اقولك اى ملاحظه
دا ميحصلش
لسه ودى متوصلش
ولسه قلبى منفصلش
وانتظرت ساعات طويله
والساعات عدت على َّ مستحيله
قلت يمكن يتصل وما اتصلش
قلت أقوم أتسلى وأعمل أكل
وعشان عملته بكل حب
طلع لذيذ الطعم والشكل
لكن الأكل باظ خلاص ومنأكلش
كان معايه حاجات كتير
قلت يمكن قلبى ينشغل
ومنشغلش
يمكن دماغى ينقفل وازهق وانام
منقفلش
وجاى يقدم أعتذار
حاولت أقبل أعتذاره منقبلش
وقلت أسامحه
لما شفت كتيرملامحه
فيها حزن
واتصلت واتصالحنا
وبكلمتين طابت جراحنا
وكمان فرحنا
من بعد ما قلت انى متصلش
واتوصل ود الحبايب
وكنت فاكر انه مبيتوصلش
===========
مستر/عطيه الخضرى
قلين-كفر الشيخ