عذرا يا صديق الفيس
العربجى مسكوه كراريس
قالوله تعالى
هتتعين مدير تدريس
وف مدرسه بدون متاريس
وممكن مره تتعدل
وتبقى وزير
وتبقى رئيس
وانامش خايف الغوله
أنا خايف من الدنيا اللى مهبوله
عشان دنيا الفساد طالعه
فى وش النور رمت زلعه
وراحت قلعه
وواقفه تقول أنا الأولى
انا مش فاهم الفوله
أكونش أنا تيس
لكل عباقره العالم
أكيد أنا تيس
لكن عارف أن معدنى
نادر ونفيس
لكن محبش التأليس
أنا ميت بقالى زمان
ومعدش ينفع التنفيس
أنا بنيان قديم مهدود
برغم متانه التأسيس
أنا طيب
لكن لازم أكون أبليس
وعندى ضمير
وقلب كبير
لكن مبحبش التلحيس
ولا التنحيس
ولا التهجيس
وأصلى حسيس
ولا بوجع ف يوم واحد
ولاحابب ف يوم تمييس
وبتشرف بقد القد
ولو لقمه حاططها ف كيس
ولاعمريش ظلمت الناس
ولا ولعت بالدبابيس
مانيش أهبل
ولا أنا عبيط
ولا لابس فى ضهرى غبيط
أنا نقطه ف قلب محيط
ولاطبلش ولاعمرى فى يوم حبيت
لصوت الزمر والتخبيط
ولاحبيت ف يوم تنطيط
وعارف النهارده أتنين
وبكره تلات
وبعده أربع وبعده خميس
حافظ بلدى وعنوانها
كمان حافظ لاركانها مع التضاريس
ولاعمريش فتنت لحد
يوم على حد
علشان مبحبش الجواسيس
ولاخنتش ف يوم واحد
ولاكنتش ف مره خسيس
وكل من عرفته ف يوم
خيار الناس
ومش جواميس
ومدمن حب أصحابى
وأحبابى
ومش تمثيل
ولاتهليل ولا كواليس
لكن عارف فروض ربى
ومتربى
ولاعمريش ف يوم هبقى من القراطيس
ولاعمرى يموت قلبى
ولايموتش ضميرى فطيس
ولاحبش فى يوم تغليس
ولابعشى ضميرى رخيص
======
مستر|/عطيه الخضرى
قلين كفر الشيخ
عذرا يا صديق الفيس
2018-03-12, 09:41
