رساله الى نفسى
=======
ياست نفسى
مش هو ده اللى كنتى بتعشقيه
وبترفعيه
وتحايلى فيه
أهو طنشك
خلى حبك سبب همومك
تباتى
وتصبحى على هم فيه
ملعون ابو الحب اللى ذلّك
ملعون ابو الحب اللى كنتى بتشحتيه.
لسَّاكى برضه بتعشقيه
وتموتى فيه
لسَّاكى برضه غبيه
منتش عاوزه تفهميه
محبكيش
ولاحسكيش
ولامره فاتت أشواقك عليه
حاول كتير يتبرى منك
ويحط خط لبعده عنك
مغشكيش
و انتى عمرك لحظه مغشتيه
أستحملى ثمره غباوتك
ثمرة خسارتك كل شىء
لسَّاك عندك حب تانى هتخسريه
أمسكى قلبك بأيدك وأحرقيه
كسريه
حطميه
خليكى جدعه
وقومى ياللا وأدفنيه
ويموت ف داهيه
أرحمى نفسك يا شيخه وأرحميه
==========
مستر/عطيه الخضرى
قلين /كفر الشيخ
رساله الى نفسى
2018-09-03, 08:23
