قال تعالى (" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ ")
وقال (وَلَا تَيْأَسُوا مِن رَّوْحِ اللَّهِ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ)
وقال سبحانه (" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ " )
صدق الله العظيم
الى لكل يائس
=======
علشان لُقمة عيشك واصل كافح
ولو ف البرد القارس
او ف الحر اللافح
مهما يكون الحمل بتاعك
اوعاك تسند يوم على حد
اوعى ايديك للناس تتمد
أوعاك تيأس
اوعاك تترك أى دموع تنزل ع الخد
لما تلاقى الدُّنيا شديده
وهم الدُّنيا كمان يشتد
قوم أتوضا
وصلِّى الفرض
أسجد ع الأرض
نادى يارب أنته مُغيثى
قول من قلبك تلقى الرد
مهما تلاقى الحمل ثقيل واكيل طافح
علشان لُقمة عيشك واصل كافح
ولو ف البرد القارس
او ف الحر اللافح
مهما المُر يزيد ف مَرارّه
مهما هتخسر
مهماتواجه الف خساره
أسعى وقوم السعى شطاره
لو حتى الرزق جاى بالقطَّاره
عزه نفسك تبقى لفوق
زى عماره
مهما يكون الهم تقيل
مهما ظروفك بتكون جباره
أسعى ف تاره
وأدعى ف تاره
وسط الظلمه هتلقى مناره
الشمس أهى جايه خلف ستاره
مهما تلاقى ف الدُّنيا حقاره
أوعاك تضعف
نفسك أمَّاره
نادى يارب وقولله أغثنى
هتلاقى ملاك ياخد بيدك
وهتلقى بشاره
أوعاك تيأس أنته مكافح
علشان لُقمة عيشك واصل كافح
ولو ف البرد القارس
او ف الحر اللافح
==
مستر/عطيه الخضرى
قلين -كفر الشيخ
أوعاك تيأس أنته مكافح
2017-01-06, 21:04
