بقه يرضيك يا رئيسنا السيسى
تبقى رئيسى ومش لاقييِّن
يقه يرضيك
أنا وأولادى من غير أكل
نبات جعانين
بقه يرضيك
من طوب الأرض
نروح نتسلِّف
بدل المره مئات ملايين
كانت قابلك ماسكه ياريِّس
لكن الرحمه
كات موجوده
جوه قلوب البنى أدمييِّن
شفت يا ريِّس
زهو السُلطه
نسَّاك شعبك
حتى نسيت أننا عايشين
مش لاقيين فيه حاجه يا ريِّس
غير ملاليم جوه التموين
حتى معاش اللى أسمه كرامه
كل كرامة الناس بتضيع
طوابير ناس مستنييِّن
عندك بيانات الرقم القومى
شوف مين عنده؟
ومين مش لاقى؟
بسرعه يا ريِّس
مش محتاجه سنين وسنين
كُلنا بنموت يا حبيبنا ياريِّس
ألغى مناصب كل الدوله
اللى ماسكيها ناس فاسدين
قرار بقانون
يبقى أساس تدريس الدِّين
أيه فايده تعليم بلا دين؟
متحملش فقير أعباء
علشان فقراء ومساكين بلدك مش ناقصين
ألزم كل محافظ ينزل
ويشوف أزاى النَّاس تايهييِّن
أيه لازمة أى محافظ قاعد
ف التكييف
بيخطط بس لجل مصالحه
وأزاى راح يكبش ف الملاييِّن
هاتللى محافظ بس يا ريِّس
يكون شغال عنده ضمير
وتحت أدارته ناس فاهمين
أو حتى رئيس مجلس لمدينه
ومحليات مش لينا تابعين
ملايين بتضيع
والناس مش لاقيه
قوللى ياريِّس نشكى لمين
بقه يرضيك يا رئيسنا السيسى
تبقى رئيسى ومش لاقيين
والله بنموت
كاتمين الصوت
ومفيش قوت
واليوم بقه هم
وهموم بتفوت
والمُر خلاص أصبح مكبوت
وبقاله سنين
بقه يرضيك يا رئيسنا السيسى تبقى رئيسى ومش لاقيين
2017-10-17, 05:00
