قبلك مُبارك كان حابسنا
بس كل شىء ياريس
كان كوِّيس
ولاكانش أزمه
والاسعار على قد ناسنا
وقلنا مرسى اللى عارف ربنا
هوه نجده شعبنا
لكنه باعنا وكان ناحسنا
وجيت يا سيسى يا رئيسنا
وافتكرنا ان قلبك يوم حاسسنا
كنت السبب
اللى اراده ربنا علشان يغيثنا
وفَّرت مشكور أمننا
وجمعتنا
وبنيت كتير ف مشروعات
علشان تحقق حلمنا
لكن ياريِّس
فين أكلنا
فين ميه النيل اللى منها
نشرب ونروى أرضنا
ميه وضوءنا علشان نصلى فرضنا
فين حديثك كل شهر
عن انجازات توصل لنا
طاب كفايه مشروعات
علشان نحسِّن وضعنا
الزرعه فين يا حكومه زفت
الناس بحالها فى البلد مش لاقيه لفت
وانا من زمان قلت وحلفت
مصر طالعه للامام لكن خِلِفت
كل حته ف البلد فيها الفساد
والظلم ساد
وانتشر حتى الكساد
اياكوا من ظلم العباد
اياكوا من الزور والعناد
انا من الحكومه صحيح قِرفت
ايه انجازاتك يا حكومه
غير فشل ولون وباهت زى تفت
وبحلف لكم وبربنا
كل واحد ف البلد بيقول نشفت
ملعون ابو الكراسى والمناصب
ملعون ابو الوزير
اللى ف وزارته واكل وشارب
وع البلد ولا يوم محاسب
بياخد يكنِّز
ولاحتى سايب للبد حبة رواسب
مليارات بتروح ف قمح
وكل الوجوه من معادن او شموع ولا وجه سمح
ومجهودات للعيال بتروح فى لمحه
والناس بتدعى ومش مسامحه
اوراق اجابه للعيال وبتبيعوها
وبتنحرق احلام ولادنا
وف بلادنا فى كل وقت بتحلبوها
ملعون ابوها
كل الضمايراللى ناسيه ربنا
======
مستر/عطيه الخضرى
قبلك مُبارك كان حابسنا
2016-08-07, 22:04
