انا اسف
يا اما الأكل كان مشموم
يا أما الشاى كان مسموم
يا أما خطرفه مهموم
ما دقش النوم
ولاكام يوم
يا اما الجسم كان محموم
لكن تنفيس
ماهوش عيبه
يا عيب الشُوم
اهو تنفيس عن المكتوم
ماهو اصل الناس ميتوصوش
يا اما الصنف
كان مغشوش
ساعات الناس تكون قاسيه
ف افعالها واقوالها
كأن الكل متربوش
قالولى ف يوم ماهوش عجبك
وقوم امشى
لكن احنا مبنمشوش
رديت خلاص انا ماشى
قعدت اسال ما بين نفسى
وبين نفسى
هروح صروه؟
وألم قروش
هروح بكاتوش؟
فيها الخيرات ميتعدُّوش
اروح عشوش؟
لكن قررت
قرارى خلاص مرجعتوش
هروح عشوش
دا ناس كُرما ميتوصوش
مانيش شارب ولا واكل
ولاانا عبيط ولا مرووش
ولاتايه ولا ملطوش
راح اتغرب
عشان اكسب واعيش وانتج
بدال مااخد لى كام ملطوش
ومتكفيش
ولاتكفى لوصل النور
مع الميه
ولااكلى ولا شربى
وحتى عيال ميتعشوش
وكتر ديون على راسى
وكراسى
مانيش لاقى ف يوم ليِّه
وكام ملطوش
مبيمشوش
وانا اتسلفت من بربوش
ومن حرفوش
وبتحسبن
فى كل صلاه
على حكومه وناس فاشله
بكل فقير مبيحسوش
ومبيسووش
لكن قاعد هروح ولفين
مفيش باسبور
ولافيزا
كمان حلمى ضعيف بيبوش
وعشان نفسى انا عزيزه
وكنت بحلم طلوع بره
كأن الوسط كان محشوش
هموم الدُّنيا تتزايد
على راسى وميعدُّوش
ولو زادت بتتحكم
تبكِّى القلب متسروش
واهو اتخيلت اروح عشوش
------
مستر /عطيه الخضرى
قلين /كفر الشيخ
بالمناسبه انا من مركز قلين وعشوش اسم عزبه بجوار البلد
هروح عشوش
2017-05-25, 10:19
