يا رئيس الجمهوريه
يا صاحب العزم المتين
يا حلمنا وحلم ناسنا الطيبين
ياضميرنا يا رئيسنا من بعد مر السنين
الناس هتاكل بعضها معدش مابينهم أمين
والله عارفين انته مين
والله فاهمين المؤامره
فاهمين نوايا المشككين
لكن يا ريس اللى حولك فاسدين
من مناصب العُمد لحد كل المحافظين
اللى بس همهم ازاى يحافظو الكراسى الزائلين
يا رئيس الجمهوريه
الغلابه كلهم باعتين رساله
لازم ترد عليهم وف عُجاله
كل منصب فى البلد محطوط له فاسد
مليان نداله
واللى الغلابه فيه هو الدلاله
والله العظيم ياريس
كلنا عاوزين عداله
كل مسئول فى البلد من غير ضمير
وبرغم تعليم اللى فيهم
فقدوا الضمير والكل عايش ف الجهاله
اوعى يا ريس يتحججوا
بمفيش موارد
اللى عاوز يشتغل هيلاقى وارد
لو م الترب او م الزباله
يا رئيس الجمهوريه
بس وقَّف كل واحد واساله
عن الافعال؟
وايه طموحه ف البلد
وأيه الامال؟
غير أنه كنِّز وحمِّل على جمله
والوضع مال
مفيش ضماير يارئيس
دُوُل احتلال
الناس دى عايشين ف الخيال
وبتوصلك (تمام يا ريِّس)
تقارير ورق ومزيَّفه
مفيهاش حقيقه غير ظلال
والغلابه ف البلد أحمال فوق الاحمال
نيران ياريِّس ف القلوب
وصوت دعاوى وانفعال
أِفضلنا حبه واسال علينا
مهما كان فيه انشغال
اسال على أخواتك واهلك
أسال عليهم يا ابن الحلال
يا رئيس الجمهوريه
========
مستر/عطيه الخضرى
يا رئيس الجمهوريه
2016-08-13, 11:24
