يطلع دولار
ينزل دولار
يعلى السولار
والناس اهى راضيه المرار
بالذمه ده
ف الوقت ده
بيكون قرار
بنقول ياناس استحملوا
ومتزلوش
تيجوا بخبيتكم تولعوا ف الدنيا نار
عايزينها ايه يا حكومه عار
الحكايه متخططه
يا خلق هوه ماهوش هزار
متغور حكومه ف الف داهيه
وتيجى ثانيه يمكن تعدل ف المسار
متأخرين ليه ف القرار
عايزها ليه تفضل تولع
عايزينها تبدا الانهيار
الناس هتاكل بعضها
ولاحد يوم هيلمها
ولاعدش راح ينفع خَيار
ليه الانتظار؟
والتهديدات فى كل حته
وتيجوا بغباء ف الوقت ده
وتُحطوا فوق النار سُولار
ميهمكوش ايه اللى صار
ميهمكوش قراركوا صالح ولا ضار
الفيض مسيره ينفجر
ولاعدش ينفع انحسار
يا خلق هووه
اصغر ما فينا يا ناس بشر
ماهوش حمار
ولو حمار
مكنش هيلاقى الخُضار
ياللى ماسكين البلد
لازم تراجعوا نفسكم
وترجعوا تانى النهار
قولوا معايه وحسبنوا
على كل ظالم
ينتقم منه الجبَّار
==========
مستر/عطيه الخضرى
قلين –كفر الشيخ
يطلع دولار ينزل دولار
2016-11-04, 10:22
