قاعة المرأ ة

**سما** · 2011-11-06, 01:18

ملف كامل لاكلات العيد اعاده عليكم باليمن والبركات

ملف كامل لاكلات العيد اعاده عليكم باليمن والبركات

الجواب طبعا باين من عنوانة

أولا كل سنة وانتوا طيبين ويارب تكون أيام مباركة ومفترجة علينا كلنا

وربنا يحقق كل أمانيكم

طبعا لعيد الأضحى خصوصيته (عيد اللحمة )مفيش هزار

علشان كدا جمعتلكم ملف كبير قوي عن الأكلات دي ويارب يفيدكم ويعجبكم

اولا...............

فخذ اللحم المشوية بالبطاطس

المقادير:
قطعة لحم خروف زنة كيلوجرامين
اربع فصوص ثوم
ملح وفلفل اسود مطحون...(حسب الرغبه)
كيلو بطاطس...(حبات ضغيرة)
حبتا بصل كبيرتان(مقطعتان شرائح)
كوب ونصف الكوب من الطماطم المقشرة والمفرومة...
نصف كوب مرقة لحم...
نصف كوب خل تفاح...
ورقة غار...قطعة دارسين(قرفة)صغيرة...
ملعتقان كبيرتان زبدة...

الطريقة:

تمسح قطعة لحم الخروف بورق المطبخ وتغرز فيها السكين الحادة في عدة اماكن ليوضع فيها الثوم بعد تقطيعه الى شرائح(حسب عدد الشرائح)
يتبل لحم الخروف بالملح والفلفل ويوضع في وعاء الشي ويشوى في فرن معتدل الحرارة لمدة ساعة ثم يجفف من الدهون...
تقشر شرائح البطاطس وتشرح الى منتصفها(في العمق)وتصف حول قطعة الفخذ المشوية(الجزء المشرح الى الاعلى)وترش بعصير الليمون والملح والفلفل...
توضع شرائح البصل فوق حبات البطاطس وتضاف اوراق الغار والدارسين والزبدة ومرقة اللحم الى الوعاء..
يعاد الى الفرن ويطهي لمدة ساعة ونصف ساعة اخرى مع تقليب اللحم من مدة الى اخرى ليصبح بنيا ومحمصا من كل الجوانب...
يمزج اللحم ويوضع في الصحن التقديم الى جانب البطاطس المحمرة ويقدم مزينا باغصان الغار او اي خضار

فخد خروف مشوي في الفرن..

المقادير :

فخد خروف صغير منزوع العظام (يمكن ان تطلبي هذا من عند الجزار هو الي ينزعلك العظام من غير ما يفسد شكل اللحمة)
راس ثوم (عدة فصوص من الثوم) مهشم نترك فقط اربعة او خمسة فصوص كاملة بدون ما نقشرها

فلفل أسود

100 غ من الزبدة الطرية

اكليل جبل

ملعقتين كبار زيت زيتون

باقة من البقدونس المفروم ناعما

2 حبات بصل مقطعة الى اربع قطع كبيرة
التحضير :

اول شيء ننضف اللحمة و نغسلها ثم نجففها و نحطها فوق طاولة التجهيز
نرشها بالملح و الفلفل الاسود

نهرس الثوم جيدا و نضيف له البقدونس المفروم و اكليل الجبل و الزبدة و قليل من زيت الزيتون

نحشو كامل سطح اللحم بهذا الحشو ثم نلفه حول نفسه و نربطه مثل ما هو في الصورة

نضعه في صينية الفرن مرشوشة بقليل من زيت الزيتون و الزبدة الطرية و حوله نضع فصوص الثوم المتبقية

-ندخل الصينية اللى فرن درجة حرارته 230 درجة مدة 30 دقيقة يعني تقريبا منتصف طهو اللحمة عندها نضيف حوله قطع البصل و نتركه يكفي استواه مدة 20 دقيقة ثانية و كل مرة نفتح و نسقى اللحمة بالعصير الموجود في الصينية
-نطلع الصينية من الفرن و نتركها ترتاح شوي ثم نضع الصوص المتحصل عليه اسفل طبق التقديم و فوقه الفخد المحشو

للتقديم :

-يقدم الطبق مع طبق من البطاطا الصغيرة الحجم السوتيه و تحضر كما يلي :

نغلي البطاطا اولا ثم نقشرها و نضعها في مقلاة مع قليل من الزبدة و البقدونس المهشم و الملح و الفلفل الابيض

,

**الفتــــة **

ارز ابيض مستوى .
عيش بلدى محمص .
لحمة مسلوقة بالشوربة .
صلصة طمامم بالخل و الثوم .
طريقة سلق اللحمة ( ضانى او بتلو او كندوز صغير او رقبة )
نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة
اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تلروحى منزلة عليها الشوربة حتعمل تششششش و حتشمى بقى ريحة الشوربة الجميلة
حتستوى اللحمة اطفى النار
طريقة عمل الصلصة بالخل و الثوم :
اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى
ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق
طريقة تركيب طبق الفتة :
1_ اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة
2_ اضع الارز على العيش و افردة كويس و اضع كبشة شوربة
3_ ثم اضع بالكبشة صلصة الطماطم علىوش الارز كلة بس مش قليلة
4_ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس

الموزة بالفتة

أولا المكونات

موزة ضأن – أرز – سمنة بلدى – ملح – فلفل أسود – حبهان – جوزة الطيب – بصل – جزر

ثوم – طماطم – عيش – خل – شوربة لحم – صلصة – ورق لورا – بهارات – 4 كوب ماء.

اولا- طريقة تسوية الموزة:-

- يقطع البصل والجزر و الطماطم ترانشات وتوضع المقادير فى صينية .

- يتم إضافة الملح والفلفل والحبهان واللورا و البهارات والثوم ونضيف لهم الماء.

- توضع الموزة فوق الخليط السابق , ثم توضع الصينية فى الفرن بدرجة حرارة 350 درجة مئوية ,وتترك من ½ 1 ساعة الى 2 ساعة , حتى يتم نضجها.

ثانيا- طريقة تسوية الارز :-

- يوضع الأرز فى ماء دافىء وملح لمدة 15 دقيقة , ثم يتم غسله بالماء البارد .

- يوضع مقدار من السمن فى الصينية ويوضع على النار, وبمجرد أن يسخن ,نضيف اليه الأرز مع التقليب حتى يتم تحميره .

- توضع عليه الشوربه ويوضع فى الفرن حتى ينضج.

ثالثا- طريقة عمل الصلصة:-

مقادير عمل الصلصة:-

- بصل مفروم .

- جزر مبشور.

- ½ كج عصير طماطم.

- 3 ملاعق صلصة .

- توابل(ملح – فلفل – حبهان – بهارات )

- 3 كوب ماء.

طريقة العمل:-

- يوضع البصل المفروم والجزر المفروم فى إناء ونضع عليهم ملعقة كبيرة سمن بلدى على النار حتى يتم التحمير .

- يضاف اليهم عصير الطماطم المصفى وكذلك الصلصة والتوابل.

- يتم إضافة الماء الى الخليط ونتركهم حتى يتم التسبيك الجيد لهم.

رابعا- طريقة عمل الخبز :-

يحمر الخبز فى السمن وتوضع عليه التوابل (ملح و فلفل و حبهان وجوزة الطيب و لورا ) , ثم نضع عليهم قليل من الصلصة والشوربة ونتركه حتى يطرى الخبز.

خامسا – طريقة التقديم :-

- يوضع الأرز المطهى على عيش الفتة ُثم توضع عليهم الموزة سليمة أو مقطعة حسب الطلب .

- توضع ملعقتين كبيرتين من السمن على طاسة على النار ثم نضيف اليها الثوم المفروم حتى يتم التحمير ,ثم نضع عليها الخل والصلصة.

- تزوق بها طبق التقديم وتقدم ساخنة.

صينيه الرقاق باللحمة المفرومة*

المقادير
1/2 كيلو رقاق
سمن سايح
شوربة
1/2 كيلو لحم مفروم
بصلة كبيرة مبشورة
مقدار من السمن او الزيت لعمل العصاج
ملح- فلفل أسود- بهارات
الطريقة
- نحضر صينية و ندهنها بالسمن
- نقوم بغمس ورقة ورقة من الرقاق في صينيه فيها الشوربة
و عندما ننتهي من نصف كمية الرقاق،
نفرد العصاج على السطح ثم نقوم برص النص المتبقي من الرقاق
بعد غمسه في الشوربة برضه ولما نخلص كمية الرقاق كلها
نقوم برش القليل من الشوربةعلى الوجه
ثم نقوم بدهن السطح بالسمن
- توضع صينية الرقاق بالفرن لحد ما تحمر
بعد خروج الصينية من الفرن نقوم بتغطيتها بغطاء
علشان الرقاق يطرى
لو انتى عيزاه طري

الكبدة الاسكندراني

المقادير
1\2* ك كبدة (طبعا الكميات ترجع لكل واحد)
3 -بصلات وسط
3- حبات فلفل رومى بارد
2 -حبة طماطم
- ملح و فلفل أسود و بهارات
- فصين ثوم مدقوقين
- ملعتين كبار صلصة طماطم
1\2- ملعقة خل
- زيت ذرة.

الطريقة
- تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة.
الطماطم برضه نقطعها اربع ارباع و تقطع شرايح رقيقة.
- نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين.
نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي.
- ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم المدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة.
و تقلب ثم تطفي النار. و تؤكل مع الخبز و سلطة الطحينة و السلطة الخضراء.

7,
الكفتة المشوية

لحمة كفته مفرومه ناعم وخلي الجزار يفرم معاهاعلىالماكينه البقدونس والبصل

ملح وفلفل اسود فقط لا غير

علشان تفضل نكهة اللحمه وبس

تشك في اسياخ الخشب وبنحط بين كل اصبع والتاني طماطم وبصل وفلفل رومي

صينية الجلاش باللحمة المفرومة

اولا المقادير
عجينه الجلاش (البقلاوه)
نصف كيلو مفروم معصج بالطريقه المعروفه
سمن
مقادير الوجه
2 كوب حليب كبير
بيضتان
مكعب مرقه دجاج
ملح فلفل
الطريقه

نعصج اللحم ونحضره ونتركه جانبا وطبعا طريقه العصاج معروفه

نقسم العجينه بالنظر كده نصفان
نصف نلفه بفوطه حتى لا ينشف ونستخدم الاخر

نحضر صينيه وندهنا بالسمن
ونضع فوقها ورقتان جلاش وندهنها بسيط بالسمن بواسطه الفرشاه

ونضع فوقها ورقتان اخرتان طبعا لو الورق اطول من الصينيه نقوم بثنيه من الجنب
وهكذا بين كل ورقتان مسحه بسيطه بالسمن الى ان تنتهى الورقات نضيف العصاج

نضع فوق العصاج باقى الورقات اللى لفناها بفوطه وبنفس الطريقه السابقه ورقتان وبينهم مسحه خفيفه سمن
وعند الأنتهاء من رص الطبقات نقطع الجلاش هكذا بطرف سكين حامى
والسبب حتى يتغلغل السائل اللى حنصبه فوقه وايضا لسهوله التقطيع

طبعا يكون الحليب دافئ ونضع عليه البيض ومكعب الدجاج والملح والفلفل ونضرب جيدا
نضيف السائل للصينيه بمنتهى الهدوء وتحرك الصينيه بخفه لتوزيع السائل فيها بشكل متساوى
ملف كامل لاكلات العيد اعاده عليكم باليمن والبركات
ملحوظه مهمه.............

لنجاح الصينيه والحصول على نتيجه رائعه يفضل تركها هكذا قبل دخولها الفرن حوالى عشر دقائق حتى تتشرب جيدا من السائل وبعدها نضعها فى الفرن تلت ساعه حتى تلاحظى انتفاخ الطبقات ونضج السائل وتماسكه
وتحمر من الوجه

لو اردتيها طريه غطيها فور خروجها من الفرن وهى ساخنه والعكس لو تحبيها مقرمشه

طبق مشويات

كيلو لحم ضانى صغير من بيت الكلاوى

نصف كيلو ريش ضانى صغيرة

ربع كيلو كبدة شرايح رفيعة

2 كلاوى ضانى

4 قطع صغيرة من اللية فى حجم البندقة

2 بصلة مفرومة فرما ناعما
2 معلقة كبيرة عصير ليمون
ملح وفلفل

الطريقة

تشق الكلاوى نصفين وتغسل جيدا

نغسل اللحمة والريش ثم ينقع الجميع فى البصل

المبشور بعد دعكه بالملح والفلفل وعصير الليمون

يترك الخليط منقوعا لمدة نصف ساعة

يشوى فى الشواية بعد دهنها بالزيت او على الفحم

اول ما تشوفى الدم ابتدى يظهر على سطح اللحمة

نقلب اللحمة على طول على الناحية التانية

لحد ما تلاقى برضة الدم ظهر على اللحمة بعدها

تقلبى اللحمة لحد ما تستوى لمدة دقايق

نشيل اللحمة من على الشواية ونرصصها على

طبق مفروش بالبقدونس >

**وبالهنا والشفا**

رد: ملف كامل لاكلات العيد اعاده عليكم باليمن والبركات
الفخذ الضأن

فخذة ضانى- 2 ملعقة كبيرة صلصة طماطم- ملعقة كبيرة بهارات لحم
2ملعقة كبيرة خل- ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات 2 ملعقة كبيرة زيت او سمنة

الطريقة:

اغسلي الفخذة ونشفيها
اعملي بعض الخروم بالسكينة فى لحم الفخذة
ضعي في طبق الملح و الفلفل – و البهارات – و الخل – و اخلطيها جيدا
ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس
نضع الزيت او السمن فى صينية كبيرة على النار ونحمر فيها البصل
نضع الفخدة فى السمنة ونقلبها كويس فيها لحد ما تحمر من جميع الجهات
نتركها على النار ونغطيها مع اضافة الماء كلما احتاجت الى ان تستوى تلت ارباع سوى
غطى الصينية بورق الألمنيوم،و ضعيها فى الفرن
لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم
علشان وشها يحمر

الممبار ( العصبان )

- كيلو ممبار.
- 3 بصلات.
- شبت مقطع صغير – بقدونس مقطع صغير - كزبرة خضراء مقطعة صغير.
- ملح - فلفل – كمون.
- 3 طماطم كبيرة.
- 3كوب ارز.
- شطة ( لو عوزاة حراق ).
- 2 ملعقة سمن .

اولا :طريقة تنظيف الممبار

- اول حاجة تشيلى الدهن بتاع الممبار و تغسلى الممبار جيدا و تقلبة على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع طويل.

الحشوة ( خلطة المحشى العادى )

نغسل الارز
نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن
بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى
- فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماءالمغلى نلاحظ انها تنكمش و تتقفل من الطرفين و يترك على النار حتى ينضج
- يصفي من ماء السلق و يحمر في الزيت
و بالهنا والشفاء

فخد ضاني في الفرن

مع أرز بالخلطة

المقادير:

• فخدة ضاني.
• كيلو فلفل رومي أحمر.
• 4 علب زبادي.
• 5 معالق صغيرة خل تفاح.
• كيلو رز.
• كوباية كبيرة زيت.
• 2ملعقة كبيره ملح.
• 2 ملعقة كبيرة عسل أبيض.
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• فلفل أصفر وأخضر مقطع قطعا صغيرة.
• ملعقة صغيرة فلفل أسود.
• قطعتان فحم.

الطريقة:

هاتِ الفخدة واخليها من العظم، بعد كده تبلي الفخدة بمزيج الخليط الآتي:

"الزبادي والملح والعسل والخل والبهارات والفلفل الأسمر"...

بعد ما تتبلي الفخدة بالخليط ده حطيها في الثلاجة لمدة يوم بعد كده طلعيها من التلاجة وهاتِ الفلفل الرومي الأحمر وقطعيه إلى قطع صغيرة واحشيها بيه، بالإضافة إلى باقي الخليط المنقوع فيه الفخدة...

بعد كده حطيها في الفرن وادهنيها بالزيت وسيبيها في الفرن لمدة ساعة أو ساعة ونصف أو لغاية ما لونها يبقى أحمر وتستوي...

بعد كده سخني قطعتين الفحم على النار لغاية لونهم ما يبقى أحمر بعد كده حطيهم على الفخدة وهي سخنة وغطي عليها علشان تحتفظ برائحة الفحم لأنها بتدي مذاق ورائحة رائعة.

بعد كده صفي الصوص النازل من الفخدة وضيفيه إلى الرز على النار وقلبي كويس وبعد كده ضيفي إليهم كاري

وملح وميه وبندق وقلبيهم على نار هادية لمدة ربع ساعة أو لغاية ما تلاقي الرز استوى.

بعد كده هاتِ الفخدة وقطعيها شرائح وقدميها في طبق مع الرز ورشي من فوق شوية ملح وفلفل أخضر وأصفر للتجميل وبالهنا والشفا.

صينية اللحم في الفرن

المقادير:

• كيلو لحمة.

• 3 بصلات مقطعة شرائح.

• 3 حبات طماطم مقطعة شرائح.

• 3 فصوص ثوم مطحونين.

• ملح -كمون-كزبرة-فلفل أسود

• عود قرفة.

الطريقة:

اخلطي اللحمة مع الثوم والبهارات والملح بعد كده حطي في الصينية طبقة من شرائح البصل ثم طبقة من شرائح

الطماطم وبعد كده حطي اللحمة عليها ثم باقي شرائح البصل والطماطم، وبعد كده غطي الصينية بالورق الحراري

وحطيها في الفرن على نار هادية لمدة ساعة أو لغاية ما تحسي إنها استوت.

لحمة ضاني مشوية

المقادير:

• لحمة ضاني مقطعة مكعبات متوسطة الحجم أو "ريش".

• كوب كبير عصير طماطم.

• ملعقة صغيرة فلفل أسود.

• ملعقة صغيرة شطة حمراء ناعمة.

• 10 فصوص ثوم.

• ملعقة كبيرة خل أبيض.

• ملعقة كبيرة كمون مطحون.

• 1 حبة جوزة الطيب مبشورة ناعم.

• 1 بصلة كبيرة.

• فلفل رومي أخضر

• نص فنجان زيت.

الطريقة:

هاتِ اللحمة واغسليها كويس.

بعد كده جهزي تتبيلة اللحمة وهي عبارة عن "الزيت + الخل + الكمون +جوزة الطيب + البصلة + عصير

الطماطم + الفلفل الأسود + الفلفل الأخضر + الثوم + الشطة" واضربيهم مع بعض في الخلاط...

بعد كده هاتِ صينية وادهنيها بالخليط ده وبعد كده ابدأي في رص اللحمة في صورة طبقات وبين كل طبقة وطبقة

حطي خلطة التتبيل...

بعد ما تخلصي رص اللحمة حطيها وخليط التتبيل في التلاجة لمدة 3 ساعات، بعد كده خرجيها واشويها على

الشواية الكهرباء أو الفحم.. وبالهنا والشفا.

رد: ملف كامل لاكلات العيد اعاده عليكم باليمن والبركات

موزة بالفريك

المقادير :

• نصف كيلو لحم موزة خال من العظم.

• نصف كيلو فريك.

• نصف ملعقة صغيرة مبشور جوزة الطيب.

• ربع ملعقة صغيرة فلفل.

• 2 ملعقة كبيرة سمن.

• بصلة.

• عود كرفس.

• فص حبهان.

• مكسرات محمرة.

• طماطم مشوية.

الطريقة

اسلقي الموزة وضيفي إليها أثناء السلق بصلة مقطعة أربع تربع وعود كرفس وفص حبهان قبل ما اللحمة تستوي

بشوية ضيفي إليها الملح لما تلاقي اللحمة استوت شيليها من "الشوربة" وحطيها في مصفة..

في الفترة اللي فيها اللحمة بتستوي هاتِ الفريك ونقيه وبعد كده انقعيه في شوية ميه بعد كده هاتِ صينية وحطيها

على النار وضيفي إليها شوية سمنة والفريك وقلبي الفريك في السمنة لمدة خمس دقائق بعد كده ضيفي إليه

الشوربة وشوية بهارات وملح وسبيه على نار هادئة لغاية ما يستوي.

بعد كده رشي على لحم الموزة المسلوقة شوية بهارات وملح وحمريها في السمنة.

بعد كده حطي الفريك في طبق التقديم وحطي فوقه اللحمة المحمرة وللتجميل شوية مكسرات والطماطم المشوية

على جانب الطبق وبالهناء والشفاء.

رد: ملف كامل لاكلات العيد اعاده عليكم باليمن والبركات

فتة العيد

وعلشان العيد يبقى عيد يبقى لازم نعرف طريقة عمل الفتة، أنا عارفة إن كل الناس بتعرف تعمل الفتة بس حبيت

أقولها علشان أكون فعلا قدمت أشهى أكلات عيد الأضحى لأن العيد مش بيكون عيد إلا بطبق الفتة.

المقادير:

• كيلو لحم ضأن مقطع بالعظم وياريت يكون "لحم الكتف"

• نص كيلو رز.

• ماء ساخن.

• بصلة كبيرة ومقطعة قطع صغيرة.

• 2 فص حبهان.

• ملعقة قرنفل.

• 6 فصوص ثوم مهروس.

• رغيف خبز محمص.

• نصف ملعقة صغيرة مبشور جوزة الطيب.

• عود قرفة.

• ورقة لاورا.

• ملح.

• كوباية كبيرة عصير طماطم.

• ملعقة كبيرة سمن.

• ملعقة كبيرة صلصة طماطم.

• ملعقة خل أبيض.

الطريقة

اسلقي اللحمة الضاني وضيفي إليها عند السلق بصلة وورقة لاورا وفص حبهان وملعقة القرنفل والملح وسيبيها

لغاية ما تستوي

أثناء ما اللحمة بتستوي هاتِ الارز واغسليه وبعد كده هاتي الصنية اللي هتعملي فيها الأرز وحطي فيها ملعقة

ونصف سمنة وبعد كده ضيفي إليها الرز وقلبيه على النار لمدة خمس دقائق بعد كده هاتي ميه وضيفي إليها شوية

ملح وبعد كده ضيفيها للرز وسيبيه على نار هادية لغاية ما يستوي....

بعد كده هاتِ بصلة وقطعيها قطع صغيرة وحمريها في السمنة لغاية ما تلاقي لونها بدأ يميل إلى اللون الأصفر

ضيفي إليها التوم مع التقليب لما تلاقيهم لونهم بدأ يكون ذهبي ضيفي إليهم كوب عصير الطماطم والصلصة

وسيبيهم على نار هادئة لمدة 10 دقائق بعد كده ضيفي إليهم قليلا من "الشوربة" وسيبيهم على النار لمدة ربع ساعة.

بعد كده هاتِي صينية وقطعي فيها الخبز وضيفي إليه شوربة اللحمة وسيبيهم لمدة عشر دقائق علشان العيش

يتشرب من الشوربة.

بعد كده هاتِي طبق كبير وحطي فيه الأرز والخبز وحطي فوقيهم دمعة الصلصة اللي أنت عملتيها ومن فوقها

اللحمة..

* « لسان محمر »

المقادير ـعدد 6 لسان ضأن نظيف وجاهز للسلق.

ـ 2 ملعقة كبيرة سمن.

ـ جزرة، بصلة،عود كرفس.

ـ ملعقة كبيرة ملح.

ـ نصف ملعقة كبيرة فلفل.

ـ نصف ملعقة صغيرة مبشور جوزة الطيب.

الطريقة:

1 ـ يسلق اللسان ويضاف له عند السلق البصلة والجزرة وعود الكرفس، ويراعى التخلص من الدهون المتراكمة

على جدران إناء السلق بواسطة ملعقة الطهي كلما تكونت.

2 ـ نخرج اللسان من ماء السلق ويقشر من الجلد اللاصق به وهو ساخن. 3 ـ يقطع اللسان الواحد الى أربع قطع،

تحمر بعدها في السمن أو زيت الذرة حسب الرغبة، ويضاف البهار والملح.

4ـ يتم تقديمه في طبق مفروش بالمقدونس مع قطع الطماطم كما يقدم مع اللسان المحمر سلطة الخضروات

الموسمية والخبز البلدي.

* « الكرشة » بطريقه أخرى
المقادير

• كرشة ضأن. • بصلة مقشرة ومقطعة أربعة أجزاء. • جزرة مقطعة.

• 2 فص حبهان.

• قرنفل، مستكة، 2 ليمونة، ملعقة بهار شرقي.

• ملح للتذوق.

الطريقة:

1 ـ تغسل الكرشة بالماء وتكشط بالسكين الأجزاء غير المستحبة من قطع الدهن وخلافه ويفضل ان يكون الماء فاتراً.

2 ـ تغسل بالماء والخل عدة مرات.

3 ـ تقطع الى ثمانية أجزاء وتشطف بالماء جيداً وترفع في مصفاة.

4 ـ توضع الكرشة ويضاف اليها الماء وتترك حتى تغلي وتكرر هذه العملية عدة مرات. 5 ـ تصفى من الماء

وتوضع في ماء مغلي في إناء الطهو على النار. ثم تضاف البصلة والجزر والحبهان وتترك حتى تنضج.

6 ـ ترفع بعد أن تنضج ويضاف لها صوص الطماطم وتقدم.

* «الفشة المشوية» (الرئتان)

المقادير

كيلو جرام رئة «فشة»خروف ضأن.

ملح، فلفل، نصف ملعقة كمون مطحون، ملعقة كبيرة شطة حمراء. عصير بصلة مبشورة. كوب عصير طماطم.

2 ملعقة كبيرة زيت ذرة.

الطريقه

1 تقطع الفشة بحجم قطع الكباب وتتبل بعصير البصل والطماطم والكمون والملح والفلفل والشطة وزيت الذرة

وتترك لمدة ساعتين حتى تتبل جيداً.

2 تشك في أسياخ وتشوى على الفحم أو على شواية كهربائية حتى تنضج وتقدم ساخنة أو تطهى في إناء الطهو

على النار.

3 تقدم في طبق مفروش بأوراق البقدونس وتقدم معها الطماطم المشوية والسلطة الخضراء والبطاطس الشيبس.

الطحال المشوى

المقادير

طحال

مقدونس مفرى

ملح و فلفل إسود

ا فص ثوم مفروم ناعم أو حسب الرغبه

ربع كيلو لحم مفروم متبل بالملح و الفلفل الأسود و البهار

بصله مقطعه شرائح

2 حبة بطاطس مقطعه شرائح

الطريقه

يغسل الطحال جيدا و نتبله بالملح و الفلفل الأسود

و نعمل به فتحه جانبيه لنحشى منها

بعد ذلك نحشيه بالحشوة ( اللحم المفروم المتبل و عليه المقدونس المفرى و الثوم )

نقلى شرحات البطاطس ثم ننشلها من الزيت

نأتى بصنية فرن و نضع بها شرحات البصل و الطحال و البطاطس

نغطيها بورق الفويل ثم نضعها فى الفرن لمدة ساعه تقريبا

يقدم معها السلطه و الشوربه

و بالهنا

الطحال مع الكبد و الفشه و القلب و اللسان

المقادير

فشة الخروف

قلب الخروف

الطحال

كبدة الخروف

اللسان

ملح و فلفل إسود

مقدونس مفرى للتزيين

الطريقه

يقطع جميع ما سبق مكعبات متوسطه الحجم

نضعهم فى مقلاة و نتبلهم بالملح و الفلفل الأسود

و نتركهم على النار حتى يتشربوا ماءهم و يحمروا

نخرجهم على طبق مفروش بالمقدونس

يقدم مع سلطة طحينه و أرز أبيض

مقلى الكبد والكلاوى
المقادير: • 1 كبد خروف

• 4 كلاوي خروف

• 2 قلب خروف

• ربع كوب زيت نباتي

• 1 فلفل اخضر حار

• رأس ثوم

• 1 ملعقة صغيرة ملح

• 1 ملعقة صغيرة كمون

• نصف ملعقة صغيرة فلفل اسود

طريقة الطبخ:

يقطع البد والكلاوي والقلوب إلي شرائح رفيعة ثم تغسل بالماء جيدا وتصفي في مصفاة كلا علي حدة , ثم يسخن

الزيت وتقلب شرائح القلوب والكلاوي جيدا إلي إن يجف الماء .

تضاف شرائح الكبد إلي القلوب والكلاوي وتقلب جيدا ثم يهرس الثوم ناعما والفلفل الأخضر مع الملح والبهارات

ويضاف الثوم إلي الخليط علي النار ثم يقلب الجميع ويترك علي نار هادئة حتى ينضج تماما ثم يوضع في طبق

التقديم .

مشوى كلاوى العجل بالبقدونس :

المقادير :

- كيلو كلاوى العجل و يجهزها الجزار بنزع الجلد و العروق

- 6 فصوص كبيرة ثوم مفرية

- حزمة بقدونس مفرية

- زيت

- ملح و فلفل و توابل حسب الرغبة

- 1 م ص خل
الطريقة :

- قطعى الكلاوى مكعبات كبيرة او طرنشات حسب الرغبة

- اخلطى الثوم مع البقدونس و 1 م ك زيت مع الخل لعمل صلصة البقدونس

- احضرى طاسة و سخينها على النار جيدا ثم ضعى الزيت حتى يسخن ثم ضعى الكلاوى و تقلب على كل جهة

حتى يتورد لونها

- انثرى عليها الملح و الفلفل و صلصة البقدونس و قلبيها جيدا ثم اتركيها حوالى 10 دقائق او حتى تنضج مع

التقليب من ان لآخر

- تقدم مع ارز و سلطة الطحينة

خروف / قوزي مشوي-بالصور خطوة خطوة

المقادير خروف صغير (قوزي) حوالي 12:14 كيلو

التتبيله 3 كوب زبادى 1 كوب منقوع تمر هندى 2 راس ثوم مهروس 2 ملعقه كبيرة زنجبيل مطحون نصف

كوب زيت زيتون 5 ملعقه كبيرة ملح 1 ملعقه كبيرة فلفل إسود 3 ملعقه كبيرة كركم

أو تتبيله أخرى حسب الذوق

2 ملعقه كبيرة بهار مشكل ا ملعقه كبيرة زعفران 2 ملعقه كبيرة قرفه 2 ملعقه كبيرة كزبرة ناعمه 1 ملعقه كبيرة

كمون 1 كوب معجون طماطم نصف كوب خل

لحشو الخروف 6-8 حبه كبيرة بصل أنصاف

الطريقه

* توضع التتبيلة كلها وتقلب جيدا

ثم يدهن بها الخروف من الداخل والخارج

ويوضع البصل داخل الخروف * تلف الأذرع بورق فويل حتى لا تلطخ الحشوة الذراعان

ثم نبدأ بدعك الخروف بالتتبيلة من الداخل والخارج

ثم يلف بدوبارة من النوع القوي حتى تظل الأفخاد ثابتة بالداخل

يمكن نحتاج للمساعدة في هذه الخطوة

يتم تكلمة دعكة بالتتبيلة من كل الجوانب

رد: ملف كامل لاكلات العيد اعاده عليكم باليمن والبركات

يلف في ورقتين فويل جيدا ويدخل الفرن مدة 6 ساعات تقريبا وهذا يتوقف على حجمة

بعد ان ينضج نفتح الورق الفويل ونتركة بالفرن الى أن يتحمر

و يدخل الشوايه حتى النضج

لحمة رأس الخروف

الـمـقـاديـــر

2 رأس خروف

2 بصلة صغيرة

2 ملعقة طبخ زيت ذرة أو سمن

½ ملعقة صغيرة فلفل أسود مطحون

ليمون

ملح

9 فلفل حار

الـطـريـقـــــة

تغسل الرؤوس جيداً وتنظف ثم تسلق مع حبة بصل وفلفل أسود حبوب

حتى تنضج تماماً، ينزع اللحم من الرأس ويوضع في قصدير ويضاف

إليه الملح والفلفل الأسود ويلف جيداً ويوضع في صينية ويدخل فرن متوسط

الحرارة حتى يحمر قليلاً.

يقطع البصل قطعاً صغيرة ويقدم لحم الرأس في طبق ويجمل بالبصل ثم

يسخن السمن ويرش على اللحم...

الممبار

المقادير

1كيلو ممبار

1كيلو ارز

نصف كيلو لحم مفروم

نصف كوب زيت

1كيلو طماطم مفرومه

ربع كيلو بصل مفروم

حزمه شبت مفرى

2 حزمه بقدونس مفرى

ملح فلفل

شطه حسب الرغبه

الطريقه

تخلط جميع المكونات على البارد

و نبدأ بحشو الممبار بعد غسله و تنظيفه جيدا من الداخل والخارج بالماء و الملح و الخل

مع ملاحظه ترك فراغ داخل الممبار لان الارز يتممد بالداخل

نغلى فى وعاء ماء و عند الغلى نضع فيه الممبار المحشى

و بعد أن يستوى ننشله من الماء

ثم نقليه فى الزيت حتى يصير لونه ذهبيا

و بالهنا و الشفا

الكوارع بالدمعة**

المقادير

2- كوارع مسلوقة .

- كوب من شوربة سلق الكوارع.

- ربع كيلو طماطم متصفية.

- ملح – فلفل.

- معلقة كبيرة سمن.

- بصلة صغيرة مفرومة .

- معلقة كبيرة خل.

- 5 فصوص ثوم.

الطريقة

- نضع السمن على النار ونحمر فية البصل ثم الثوم حتى يصفر

- نضع الخل على البصل والثوم لحد ما يغلى ثم نضع الطماطم

ونتركها لحد ما تتسبك ثم نضع كوب شوربة الكوارع ونسيبها لحد ما تغلى

- شيلى من عضم الكوارع وضعية فى الدمعة على نار هادية لمدة

ربع او ثلث ساعة وتغطيتها اثناء السوى

- رصصى الكوارع فى طبق التقديم وصبى عليها الدمعة ( الصلصة)

الكوارع بالخل و البقدونس *

المقادير

- عدد 2 كوارع.

- 3 لتر ماء.

- بصلة – جزرة.

- ملح – فلفل – 5 وحدات فلفل اسود صحيح.

2 -معلقة كبيرة زيت.

2 -معلقة كبيرة خل.

- معلقة صغيرة بقدونس.

- معلقة صغيرة بصل مفروم .

الطريقة

- نسلق الكوارع فى الماء مع البصلة والجزرة و الملح والفلفل لحد ما تستوى تماما

- نشيل اللحم من العضم ونسيب اللحم لحد ما يبرد.

- نخلط الزيت مع الخل مع البصل المفروم مع البقدونس مع بعض ونضعها على اللحم البارد ونقلبها ونسيبها

حوالى نص ساعة .

- كل شوية تقلبيها تقليبة مع التتبيله.

- شيليها من التتبيلة وضعيها فى طبق التقديم مع شرايح الطماطم و الليمون.

** وبالهنا والشفا**

العكاوى المسلوقة

المقادير

* ذيل *

* بصلة مبشورة *

* معلقة كبيرة سمنة *

* معلقة دقيق *

* ملح وفلفل وحبهان *

* عصير طماطم *

الطريقة

- نغسل الذيل كويس جدا وندعكة كويس بالملح

وبعدين نشطفه

- وبعدين ندعكه كويس بالدقيق وبعدين نشطفه كويس

- افصلى بقى حلقات او فكرات الذيل عن بعض

- ثم ضعيهم فى ماء مغلىالبصلة وتتبلية بالملح

والفلفل والحبهان لحد ما يستوى وبالهنا والشفا

العكاوى بالصلصة *

المقادير

* ذيل *

* بصلة مبشورة *

* معلقة كبيرة سمنة *

* معلقة دقيق *

* ملح وفلفل وحبهان *

* عصير طماطم *

الطريقة

- نغسل الذيل كويس جدا وندعكة كويس بالملح

وبعدين نشطفه

- وبعدين ندعكه كويس بالدقيق وبعدين نشطفه كويس

- افصلى بقى حلقات او فكرات الذيل عن بعض

- ثم ضعيهم فى ماء مغلىالبصلة وتتبلية بالملح

والفلفل والحبهان لحد ما يستوى

- نشوح البصلة المبشورة فى السمنة لحد ماتصفر

وبعدين نضع عصير الطماطم لحد ما الصلصة تتسبك

وبعدين نضع حلقات العكاوى المسلوقة فى الصلصة

ونتركها ونقلبها حوالى من 5 ل 10 دقايق بس

ونغرفها وبالهنا والشفا

طاجن العكاوى

المقادير

عكاوى مسلوقة

بصلة مبشورة

صلصة طماطم

الطريقة

نضع الذيل المسلوق فى طاجن-

ونضع علية بصلة مبشورة وملح وفلفل-

- ونضع علية صلصة الطماطم وندخله الفرن لحد ما يستوى ويحمر

اللسان المسلوق

المقادير

- لسان.

- عصير ليمون.

- بصلة مبشورة.

- ملح وفلفل.

- حبهان.

الطريقة

- نغسل اللسان كويس ونقشط الطبقة الخشنة السطحيةوندعكه كويس بالملح وبعدين بالدقيق ونشطفه كويس

- نملا حلة بالماء ونضع فيها اللسان على نار هاديةلحد ما الماء يغلى براحته وبعد ما يغلى نروح راميين

الماء دة ومغيرينة بماء تانى نظيف وبارد

- نضعه بالماء النظيف تانى فى الحلة مع الملح والفلفل والبصلة والحبهان

على نار هادية ويترك لحد مايستوى

- نشيله من الماء وننزع جلده .ويااما نقدمه مع البقدونس المفروم والليمون

او باى طريقة مطلوبة .

اللسان بالكمونية**

المقادير

- لسان.

- 3 معالق سمنة.

- 2 كوب عصير طماطم.

- راس ثوم مهروسة.

- 2 معلقة كمون.

- ملح وفلفل.

الطريقة

- نسلق اللسان كما شرحناه

- نقدح السمنة ونحمر فيها اللسان ثم نضيف لهالثوم المهروس والكمون ونقلبهم كويس.

- نضيف عصير الطماطم والملح والفلفل.

- - نتركهم على النار لحد مايغوا ثم نوطى النار لحد ما اللسان يستوىوممكن اذا احتاج تزودى شوية ماء

تزوديله لحد مايستوى.

اللسان بالكركم**

المقادير

- لسان.

- معلقة صغيرة كركم.

- بصلة مبشورة.

- 3 معالق سمنة.

- ملح وفلفل وبهارات.

- صلصة.

الطريقة

- نسلق اللسان(سبق وشرحناه)

- نضع السمنة على النار ونشوح فيها البصلة واللسان لحد ماتصفر ثم نضع الكركم والملح والفلفل والبهارات

- نقلب لحد ما يندمج كله مع بعضه ويقدم ساخن.

الكرشة بالحمص

المقادير

* كرشة مسلوقة و مقطعة قطع صغيرة.

* كوب عصير طماطم .

* بصلة متوسطة مفرومة.

* نص كوب حمص (حمص الشام ) مسلوق نص سلق .

* معلقة سمن كبيرة _نص راس ثوم

* مفرومة _ملح _فلفل _ كمون _ كوب و نص من ماء سلق الكرشة

الطريقة *

نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين

و بعدين نحط عصير الطماطم و على نار متوسطة لحد الطماطم ما تتسبك و دة طبعا بانك حتلاقى

لونها اتغير و تقلت

اضع حوالى كوب و نص من الماء اللى سلقت فية الكرشة اللى الحلة و الملح والفلفل

و الكمون و نسيبها لحد ما الماء اللى حطناة تغلى

نضع الكرشة المسلوقة المقطعة فى الحلة و نقلب و نسيبها على نار هادية لحد ما تستوى و هى

مش بتاخد كتير يعنى حوالى 20 دقيقة مثلا

الطرب ( منديل الخروف )

المقادير

- منديل خروف.

- كيلو لحم مفروم.

- بصلة.

- معلقة بقدونس مفروم.

- ملح- فلفل –بهارات.

1/4 - كوب سمن .

الطريقة

- يقطع المنديل قطع متساوية بالسكينة على شكل مربعات او مستطيلات .

- يفرم البصلً ويخلط مع اللحم المفروم والبقدونس والملح و الفلفل والبهارات.

- يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع

تخينة .

- نرصص الطرب على الشواية او فى الفرن على الرف الشبك .

السجق البيتى**

المقادير

* نص كيلو لحمة مفرومة .

* ملح _ فلفل _ قرفة _ جوزة الطيب .

* نص كوب ماء.

* شطة حسب الرغبة.

* المصارين وطبعا مش حوصيكى على التنظيف .

((و اهم حاجة القمع المخصوص بتاع حشو السجق ))

الطريقة

- نضع التوابل كلها على اللحمة .

- اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة

- اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة

بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان فى السوى

حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و

اعقد و هكذا لحد ماحتلاقى حبل السجق اللى بتشوفية عند الجزار اتكون قدامك .

- تحطيهم فى اكياس نايلون و على الثلاجة

المخ البانية

المقادير

- مخ مسلوق .

- ملح _ فلفل .

- بيض مضروب.

- دقيق _ بقسماط ناعم .

-سمن

الطريقة

- نقطع المخ اما قطع صغيرة او شرائح .

- نضع المخ فى الدقيق حيغطية و بعدين نحطة فى البيض و بعدين فى البقسماط

نضع السمن فى مقلاية بس يكون السمن غزير يعنى كتير و نحمر المخ.

المخ بالزيت والليمون **

المقادير

مخ

3 معالق كبيرة زيت

ملعقة كبيرة فلفلة رومى مفرومة

ملح وفلفل

عصير ليمون.

الطريقة

- نسلق المخ ( شرحناه قبل كدة)

- و بعد سلقه نشيله من ماء السلق ونتركه لحد مايبرد

نهرسه بالشوكة ونضيفله الملح والفلفل والزيت وعصير

الليمون والفلفل الرومى المفروم

المخ بالبشاميل**

المقادير

- مخ.

- ملح وفلفل.

- بقسماط ناعم.

- 3 بيضات للعجن والغطاء الخارجى.

- سمنة للتحمير.

الطريقة

- يسلق المخ ويترك يبرد ثم يفرم ويتبل بالملح والفلفل

نضرب البيض فى طبق بالشوكة

- ونبتدى نضع بيض شوية شوية على المخ المفروم

وانتى بتعجنى بايدك لحد ماتحسى ان كدة البيض

مضبوط على كميه المخ وتتركى الباقى للتغطية

- نضعة فى مقلاية على النار مع التحريك المستمر لحد ماتلاقية تخن تشيلية من على النار

وتضعية على طبق وتسبيه يبرد تماما.

- بقطاعة او بكوب صغيرة تقطعيه على هيئة اقراص مدورة

- وتغطية بالبيض والبقسماط وتحمرية فى السمنة الغزيرة

- تشيلية على ورق ماص للدهون

مخ بالعجة **

المقادير

- مخ.

- بصلة مفرومة.

- معلقة كبيرة بقدونس مفروم.

- ملح وفلفل.

- سمنة للتحمير.

الطريقة

- يسلق المخ ثم يقطع شرائح (سميكة نوعا).

- نخلط البيض بالبقدونس بالبصل والملح والفلفل ونضربهم كويس قوى بالشوكة

- نغمس شرائح المخ فى خليط العجة ونحمره فى السمنة

* « الكرشة » بطريقه أخرى

المقادير

• كرشة ضأن. • بصلة مقشرة ومقطعة أربعة أجزاء. • جزرة مقطعة.

• 2 فص حبهان.

• قرنفل، مستكة، 2 ليمونة، ملعقة بهار شرقي.

• ملح للتذوق.

الطريقة:

1 ـ تغسل الكرشة بالماء وتكشط بالسكين الأجزاء غير المستحبة من قطع الدهن وخلافه ويفضل ان يكون الماء

فاتراً.

2 ـ تغسل بالماء والخل عدة مرات.

3 ـ تقطع الى ثمانية أجزاء وتشطف بالماء جيداً وترفع في مصفاة.

4 ـ توضع الكرشة ويضاف اليها الماء وتترك حتى تغلي وتكرر هذه العملية عدة مرات. 5 ـ تصفى من الماء

وتوضع في ماء مغلي في إناء الطهو على النار. ثم تضاف البصلة والجزر والحبهان وتترك حتى تنضج.

6 ـ ترفع بعد أن تنضج ويضاف لها صوص الطماطم وتقدم.

طرق كثيره لعمل الكبده

طريقة عمل كبدة لذيذة

المقادير:

1-حبة بصل مفرومة فرم ناعم

2-مقدار طبق كبدة مقطعة إلى قطع صغيرة

3-مقدار حبة فليفلة مفرومة فرم ناعم وقليل من البقدونس

4-نصف فنجان زيت مازولا

5-ملح , فلفل أسود مطحون , بهار مشكل , ثوم بودر , قرفة مطحونة , سماق

وطبعا الكمية حسب الرغبة

الطريقة

أولا :نضع البصل المفروم مع الزيت في المقلاة

ونحرك جيدا حتى يبدأ البصل بالذوبان مع مراعاة عدم تحميره لأن ذلك سيؤثر على النكهة

ثانيا :نضع الفليفلة على البصل

ونحرك جيدا حتى يبدأالفلفل الرومي بالذبول

بعد ذلك نضع الكبدة عليه

ونحرك جيدا

عندما تقارب على الاستواء نضع عليها الملح والبهارات

ونحرك جيدا حتى تستوي الكبدة وبعد ذلك نضع البقدونس المفروم

ونحرك جيدا ونتركه فقط مدة دقيقتين ونطفىء النار

ونسكبه في طبق التقديم ونزينه بشرائح الليمون

الكبده المحمرة بالدقيق

المقادير
كيلو كبده مقطعة شرائح ,2 م دقيق , بقدونس مفروم , عصير ليمون وعصير بصل , ملح وفلفل, سمن او زيت

للتحمير , بطاطس شيبس

الطريقة:

تتبل الكبدة وتترك قليلا ثم تغطى بالدقيق جيدا ثم تقدح السمن وتحمر فيها شرائح الكبده من جهتين حتى تنضج ثم

تقدم ساخنه على فرشه من البقدونس

الكبد المشوي

المقادير

كيلو كبده , عصير بصلتين عصير ليمونتين ملح وفلفل

الطريقة

يشطف الكبد بالماء البارد ويقطع شرائح وتتبل بالملح والفلف وعصير الليمون والبصل لمدة ربع ساعة ثم تشوى

وتقدم بالبقدونس

صينية الكبدة المشوية

المكونات والمقادير

نصف كيلو كبدة ترنشات

يصلة كبيرة ترنشلت

حبة فلفل رومى كبيرة ترنشات

ملح فلفل كمون بابريكا بهارات عصير ليمونة

2 قرن فلفل حار

2 فص ثوم مقطع

قطعة فحم

زيت

طريقة التحضير

تتبل الكبدة بالملح و الفلفل و الكمون و البهارات و البابريكا و عصير ليمونة

ترص الكبدة فى صينية و فوقها شرائح البصل و الفلفل و الثوم

تغطى الصينية بالفويل و تزج فى الفرن

عند النضج تجهز الفحمة و توضع بفنجان صغير به سمن

وتوضع فى وسط الصينية و تغطى لمدة لا تقل عن ربع ساعة

الكبدة الاسكندرانى

المقادير:

1/2 كيلو كبدة مقطعة صغيرا .

ملح . كمون .

3 ملاعق كبيرة خل .

فلفل حار (اختيارى) .

3 ملاعق كبيرة ثوم مفروم .

حلقات فلفل أخضر .

عصير ليمون .

1/4 كوب زيت للتحمير .

الطريقة:

يخلط الثوم والخل والكمون والملح والشطة(الفلفل الحار) جيدا ثم تتبل بها الكبدة وتترك فى الثلاجة لمدة1/4 ساعة .

يضع الزيت على النار حتى يسخن ثم تسقط فيه الكبدة وتقلب وستظهر فورا الرائحة الطيبة .. تخفض الحرارة بعد

ان يتغير لون الكبدة ونضيف حلقات الفلفل الاخضر ليكمل نضجه مع الكبدة وتغطى وتترك ربع ساعة .. بعد ذلك

يرفع الغطاء ويقلب جيدا حتى تتشرب مائها وتتحمر فى زيتها ... توضع فى طبق التقديم وترش بعصير الليمون

الليمون ضرورى للمذاق المميز للكبدة الاسكندرانى تقدم مع الجرجير والبطاطس المحمرة والخبز المصرى .

طريقة الكبدة والكلاوي

المقادير

تغسل الكبدة والكلاوي وتقطعينهم شرائح رفيعة وبطول لا يتجاوز اربعة سم .

ثم تجهزين بصل مقطع قطع طويلة نسبيا بمقدار نصف حبة بصل متوسطة الحجم لكل 150 غرام كبدة وكلاوي
وربع ملعقة صغيرة ثوم مدقوق لنفس الكمية اعلاه

وفلفل حار او بارد ( رومي ) حسب الذوق مقطع قطع شرائح نحيفة.
..
الطريقة

نبدأ بقلي البصل والفلفل في مقلاة فوق نار عالية جدا بحيث ينتج لدينا بصل يكون سطحه شبه محروق ولكن داخله

ما يزال ني متماسك.

في نفس الوقت وفي مقلاة أخرى وبنفس الطريقة نحمس الكبدة على نار عالية لمدة قصيرة جدا من دقيقتين إلى

ثلاث دقائق مع التقليب المستمر

بعد ذلك اضيفي الثوم وقليل من الفلفل الاسود والملح وذرة صغيرة جدا جدا من الكمون على الكبدة والكلاوي وقلبي

لمدة نصف دقيقة ثم اضيفي البصل المحموس وقلبي لمدة نصف دقيقة اخرى وقدميه حار مع خبز بر حار وربع

حبة ليمون وبالهناء والشفاء

كبدة بالطماطم

المقادير

كبدةحسب عدد الأشخاص

وطماطم مقطعه مربعات

وثوم مدقوق ناعم وفلفل اسود وكمون وملح

وزيت للقلي ومقلاة واسعه وجيدة

الطريقة

تغسلين الكبدة بماي بارد ثم

تشرحين الكبدة شرايح عريضة ثم طولية تطلع مثل وحدات البطاطس المقليةالطولية ثم تحطين زيت كافي بالمقلاة

الين يسخن وتحطين الكبدة على نارقووووية جداالين لونها يصير فاتح ولازم النار تكون قوية عشان الكبدة تكون

طرية من الداخل عند النضج وبعد دقيقتين تحطين الطماطم والملح

طبعا حسب كمية الكبدة مثلا اذا كمية الكبدة ربع كيلو يبيلك حبة طماط كبيرة اوحبتين صغار

وتحركين باستمرار على نارقويه اليييين ماتنشف موية الطماطم ثم تحطين الثوم المدقوق مع الفلفل الاسودوالكمون

وتقلبينه مع الخليط دقيقتين

الكبدة البانية اللذيذة

المقادير

كبده مقشره

1 فص ثوم

ملح,فلفل,كمون

ليمون

دقيق

لبن

بيض

بقسماط

زيت للقلى

الطريقه:

نقشر الكبده من الطبقه الرقيقه الخارجيه

تتبل الكبده بالملح و الليمون و الفلفل و الكمون و الثوم وتترك ساعه ثم نضع الزيت فى طاسه و نضع اللبن على

البيض ثم نأخذ الكبده و نضعها فى الدقيق ثم البيض و اللبن ثم البقسماط.

و تقلى و نخرجها من الزيت على فرشه من البقدونس.

و بالهنا و الشفا

الكبده المحمرة بالدقيق

المقادير

كيلو كبده مقطعة شرائح ,2 م دقيق , بقدونس مفروم , عصير ليمون وعصير بصل , ملح وفلفل, سمن او زيت

للتحمير , بطاطس شيبس

الطريقة

تتبل الكبدة وتترك قليلا ثم تغطى بالدقيق جيدا ثم تقدح السمن وتحمر فيها شرائح الكبده من جهتين حتى تنضج ثم

تقدم ساخنه على فرشه من البقدونس

صينية الكبدة المشوية

المكونات والمقادير

نصف كيلو كبدة ترنشات

يصلة كبيرة ترنشلت

حبة فلفل رومى كبيرة ترنشات

ملح فلفل كمون بابريكا بهارات عصير ليمونة

2 قرن فلفل حار

2 فص ثوم مقطع

قطعة فحم

زيت

طريقة التحضير

تتبل الكبدة بالملح و الفلفل و الكمون و البهارات و البابريكا و عصير ليمونة

ترص الكبدة فى صينية و فوقها شرائح البصل و الفلفل و الثوم

تغطى الصينية بالفويل و تزج فى الفرن

عند النضج تجهز الفحمة و توضع بفنجان صغير به سمن

وتوضع فى وسط الصينية و تغطى لمدة لا تقل عن ربع ساعة

الكبدة المحمرة

المقادير

نص كيلو كبدة _ملح _فلفل _عصير ليمون _ سمن للتحمير

الطريقة

تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة ، نضع السمن فى مقلاية

ولما تقدح احمر الكبدة الاول مرة على الوش الاول و مرة على الوش التانى ،وبعدين حطى عليها شوية فى شوية

ماء لحد ما تستوى

الكبدة بالفلفل و الطماطم

المقادير

نص كيلو كبدة _ملح _فلفل _فلفلة رومى كبيرة _بصلة كبيرة _طماطماية كبيرة +م زيت او سمن _ ملعقه ص

خل +فصين ثوم.

الطريقة

نقطع الكبدة قطع صغيرة و كذلك الفلفل و البصل و الطماطم .نضعالسمن فى حلة و نشوح فيها البصل و الفلفل و

فصين الثوم لحد ما يصفروا ثم نضعالطماطم و الخل و نقلب ثم نضع الكبدة و نقلب نقلب لحد ما تاخد لون محمر

اضع ربع كوبفى ربع كوب ماء لحد ماتستوى و يكون فيها صوص بنى.

الكبدة بالردة

المقادير

كيلو كبدة شرائح +رأس توم مفرومةناعم جدا - ملح -فلفل - نصف ملعقة صغيرة كمون - 2 ملعقة كبيرة كزبرة

ناعمة -2 كوبردة ناعمة + نص كوب دقيق - ( تخلطيهم مع بعض )+زيت للقلى

الطريقة

تبلىالكبدة و ضعى عليها و الملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا

ساعتين علشان تشرب من كل التتبيلة كويس طلعيها من الثلاجةو سخنى الزيت ،نضع شريحة شريحة فى خليط

الردة بالدقيق و اضغطى عليها با يدك كويس من الناحيتين ،و ضعيها فى الزيت لحد ما تحمر من الناحيتين بس

خلى بالك الكبدة اساسابتستوى بسرعة يعنى ما تسبيهاش على النار دى يادوب بتاخد ثوانى،طلعيها من المقلاية

وبالهنا و الشفا

ملحوظة

لو عاوزة الكبدة مشوية :تعملى كل اللى عملناة عادى لحدمت تخرجيها من الثلاجة و بعدين تشويها

طريقة سريعة للكبدة

المقادير

1/2 ك كبدة +2 طماطم متوسطة+4 او 5 فصوص ثوم+1 م ك سمن، او زيت لو بتحبيها بزيت+ملح و فلفل اسود

الطريقة

قطعي الكبدة مكعبات صغيرة. قطعي الطماطم مكعبات صغيرة. دقي الثوم بالملح

(الملح بيسهل دق الثوم جدا لما نحطه معاه و بعد كده نظبطه لو محتاج تاني في الحلة). حطيهم في حلة و معاهم

السمن او الزيت و الفلفل الاسود و ظبطيالملح. قلبيهم كويس لحد ما تحسي ان الكبدة اتشوحت، وطي النار و سيبيها

تستويبراحتها و ممكن تضيفي لها شوية مية صغيرين لو محتاجة. و عند التقديم اعصري عليهاليمون و قدميها مع

سلطة و مكرونة او عيش او ارز

سندويشات كبدة روعه

يقدم لـ 8 أشخاص، مدة الاعداد 25 دقيقة.

المقادير:

300 جرام كبدة غنم مقطعة شرائح، نصف ملعقة صغيرة فلفل أسود، نصف ملعقة صغيرة فلفل أحمر حار، 4

ملاعق كبيرة عصير ليمون، ملعقة كبيرة خل، فص ثوم مهروس، شريحة زنجبيل مهروسه، ملعقة صغيرة ملح،

2 ملعقة كبيرة طحين حمص، أوراق خس مقطعة ، شرائح طماطم، زيت الزيتون للقلي، 8 خبزات عربية صغيرة.

طريقة الاعداد:

اخلطي عصير الليمون والخل مع الثوم والزنجبيل واتركي الخليط لمدة 15

الموضوع الأصلى : ملف كامل لاكلات العيد اعاده عليكم باليمن والبركات المصدر : منتديات رأفت الجندى الكاتب : سما

لولو الشقية · 2011-11-06, 10:15

ملف كامل لاكلات العيد اعاده عليكم باليمن والبركات

كل سنة وانتى طيبة

اكلات تفتح النفس

شكرا لكى

تسلم ايدك

الموضوع الأصلى : ملف كامل لاكلات العيد اعاده عليكم باليمن والبركات المصدر : منتديات رأفت الجندى الكاتب : لولو الشقية

قاعة المرأ ة

قاعة مطبخ الجندى